English | عربی | Kurdî دواهەواڵ
ڕاستەوخۆ  
 
پەرلەمانتارانی عێراق داوا لەسەرۆكی پەرلەمان دەكەن بەهای دۆلار دابەزێنێت
2021-01-27 [08:43 AM]

​ZNA – هەولێر


دەیان پەرلەمانتاری عێراق چەند داوایەك لە سەرۆكی ئەنجومەنی نوێنەرانی عێراق دەكەن یەكێك لەو داواكاریانە دابەزاندنی بەھای دۆلارە بەرامبەر بە دیناری عێراقی.

113 پەرلەمانتاری عێراق یاداشتێك پێشكەش بە محەمەد حەلبوسی سەرۆكی ئەنجومەنی نوێنەرانیان كردووە  تێیدا ھاتووە بەھای 100 دۆلاری ئەمەریكی بۆ 130 ھەزار دیناری عێراق داببەزێنرێت.

ئەمەش دوای ئەوە دێت بانكی ناوەندی عێراق بە نووسراوی فەرمی لە 20/12/2020 بەھای دیناری بەرامبەر بە دۆلار دیاركرد، كە بەھای 1 دۆلار كڕینی لە وەزارەتی دارایی 1450 و فرۆشتی دۆلار بە بانکەکان لەڕێگەی زیادکردنی فەرمی 1460 و فرۆشتنی لەلایەن بانکەکان و دامەزراوە داراییە نابانکییەکان بە هاووڵاتییان 1470 دینار دەبێت، ئەمەش بە هۆكاری ئەوەی كورتهێنانی بودجەی ئەمساڵی عێراق پێ كەم بكەنەوە.

دوای ئەو بڕیارەی بانكی ناوەندی عێراق، بەھای دینار بەشێوەیەكی بەرچاو بەرامبەر دۆلار دابەزی ئێستا 100 دۆلاری ئەمەریكی لە بازاڕەكانی ھەرێمی كوردستان و عێراق بە زیاتر لە 145 ھەزار دینار ئاڵوگۆڕی پێوە دەكرێت.

 





ئەم هەواڵە 436جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad