English | عربی | Kurdî دواهەواڵ
ڕاستەوخۆ  
 
سه‌رۆكى هه‌رێمى كوردستان پێشوازى له‌ باڵيۆزى يۆنان كرد
2021-01-28 [04:21 AM]

ZNA_ هەولێر


ئێواره‌ى ئه‌مڕۆ پێنجشه‌ممه‌ 2021/1/28 به‌ڕێز نێچيرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز لیۆنیداس کۆنتۆڤۆنیسۆس باڵیۆزی یۆنان لە عێراق كرد.

له‌ ديدارێكدا كه‌ به‌ڕێز ئەفسیمۆس کۆستۆپۆلۆس کۆنسوڵی گشتيی یۆنان لە هەولێر ئاماده‌ى بوو، سه‌رۆك نێچيرڤان بارزانى، به‌بۆنه‌ى كۆتاييهاتنى ئه‌ركه‌كه‌ى له‌ هه‌ولێر، سوپاسى به‌ڕێز كونسوڵى گشتيى يۆنانى كرد و هيواى سه‌ركه‌وتنى له‌ ئه‌رك و كارى تازه‌يدا بۆ خواست، هه‌روه‌ها هه‌وڵه‌كانى بۆ په‌ره‌پێدانى په‌يوه‌ندييه‌كانى هه‌رێمى كوردستان له‌گه‌ڵ يۆنان به‌ مايه‌ى پێزانين له‌ قه‌ڵه‌م دا.

به‌ڕێز باڵيۆزى يۆنان سوپاسى سه‌رۆك نێچيرڤان بارزانى و حكوومه‌تى هه‌رێمى كوردستانى كرد بۆ پشتگيرى و هاوكارييان له‌ كار و چالاكييه‌كانى كونسوڵخانه‌ى گشتيى وڵاته‌كه‌يان له‌ هه‌ولێر و هيوايان خواست له‌ داهاتوويه‌كى نزيكدا ته‌واوى ئه‌و چالاكييانه‌ى به‌هۆى بڵاوبوونه‌وه‌ى ڤايرۆسى و كۆرۆنا و په‌تاى كۆڤيد_19ه‌وه‌ كه‌متر ببوونه‌وه‌، وه‌ك جاران كارا بكه‌نه‌وه‌ و هه‌نگاوى باشتر له‌ په‌ره‌پێدانى په‌يوه‌ندييه‌كانيان له‌گه‌ڵ هه‌رێمى كوردستان بنێن.

له‌ به‌شێكى ديكه‌ى ديداره‌كه‌دا په‌يوه‌ندييه‌كانى هه‌ولێر ـ به‌غدا و گفتوگۆى نێوان حكوومه‌تى هه‌رێمى كوردستان و حكوومه‌تى فيدراڵى عێراق بۆ چاره‌سه‌ركردنى كێشه‌كانى نێوانيان، مه‌ترسييه‌كانى تيرۆر و كاره‌ تيرۆرستييه‌كانى داعش، هه‌ڵبژاردنه‌كانى داهاتووى عێراق و چه‌ند پرسێكى جێى بايه‌خى هاوبه‌شيان تاوتوێ كرد.





ئەم هەواڵە 451جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad