|
 |
|
|||
ZNA-هەولێر بەڕێوەبەری گشتپی ئاو و ئاوەڕۆی ھەرێمی کوردستان رایگەیاند، کە لە سەرجەم شار و شارۆچکەکان لە ساڵی ٢٠١٥ پڕۆسەی بەستنی پێوەری ئاوی ماڵان بەردەوامە و تائێستا، ھەر ھاوبەشێکیش پێوەری ئاوی نەبەستبێ یان لێیکردبێتەوە، سزایەکی توندی دەدرێت و بۆ ھەر مانگێک بڕی ١٠٠ ھەزار دیناری بۆ ھەژمار دەکرێت.ئاری ئەحمەد، بەڕێوەبەری گشتیی ئاو و ئاوەڕۆی ھەرێمی کوردستان لە وەزارەتی شارەوانی و گەشتوگوزار، بە ئاژانسی ھەواڵی زاگرۆسی راگەیاند: لە سەرجەم شار و شارۆچکەکان لە ساڵی ٢٠١٥ پڕۆسەی بەستنی پێوەری ئاوی ماڵان بەردەوامە و تائێستاش زیاتر لە ٥٩٠ ھەزار پێوەر بەستراوە، کە دەکاتە زیاتر لە ٦٠ %ی کۆی ھاوبەشانی ئاو لە سەرجەم پارێزگاکانی ھەرێمی کوردستان.بەڕێوەبەری گشتیی ئاو و ئاوەڕۆی ھەرێمی کوردستان لە وەزارەتی شارەوانی و گەشتوگوزار گووتی: تائێستا پڕۆسەی بەستنی پێوەری ئاو بۆ ھاوبەشانی گوندەکان نەچووەتە باری جێبەجێکردن، ھەر کاتێکیش پێوەری ئاو بۆ گوندەکان بەسترا ئەژمارێکی تایبەتیان بۆ دەکرێت و بە پارەیەکی کەمتر بۆیان ھەژمار دەرکرێ.ئاری ئەحمەد، بەڕێوەبەری گشتیی ئاو و ئاوەڕۆی ھەرێمی کوردستان لە وەزارەتی شارەوانی و گەشتوگوزار ئەوەشی بۆ ئاژانسی ھەواڵی زاگرۆس خستەروو، کە ھەر ھاوبەشێکیش پێوەری ئاوی نەبەستبێ یان لێیکردبێتەوە، سزایەکی توندی دەدرێت و بۆ ھەر مانگێک بڕی ١٠٠ ھەزار دیناری بۆ ھەژمار دەکرێت و ماوەی چوار مانگە بڕیارەکە چووەتە باری جێبەجێکردنەوە.
ئەم هەواڵە 655جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad