English | عربی | Kurdî دواهەواڵ
ڕاستەوخۆ  
 
وەزیری پلاندانان : بڕیارمان داوە، (٣٠) رۆژ جارێک، مووچەی مووچەخۆران دابەش بکەین
2021-01-31 [04:34 AM]

ZNA- ھەولێر 




دارا رەشید، وەزیری پلاندانانی حکومەتی ھەرێمی کوردستان دەڵێت ، بەگوێرەی ئەو داھاتەی دەگاتە بەردەستمان، بڕیارمان داوە، (٣٠) رۆژ جارێک، مووچەی مووچەخۆران دابەش بکەین. 


دارا رەشید، وەزیری پلاندانانی حکومەتی ھەرێمی کوردستان و ئەندامی شاندی دانووستانکاری حکومەتی ھەرێمی کوردستان بۆ بەغدا،  رایگەیاند، لە دوایین سەردانیان بۆ بەغدا، ھەنگاوی باشیان بڕیوە و حکومەتی ھەرێمی کوردستان رازییە بە سەرجەم داواکارییە دەستوورییەکانی عێراق و لیژنەی دارایی پەرلەمان و ھەمووی بە راپۆرت ئامادەیە و وەڵامدراوەتەوە. 

ھەروەھا گوتیشی، ھەرێمی کوردستان جددییە لە رێککەوتن لەگەڵ بەغدا، بەڵام ھەر داواکارییەک لە دەستوور دەربچێت حکومەتی ھەرێمی کوردستان پێی رازی نابێت، چونکە ئێمە ھیچ بیانووێکمان نەھێشتووەتەوە و ھەموو ھەوڵەکان بۆ رێککەوتنە، ناکرێت داواکارییەکان زیاتر بکرێن لە دەرەوەی دەستوور.

د. دارا ئاماژەی بەوەشکرد، "حکومەتی ھەرێمی کوردستان ئەو رێژەیەی لە بودجە دیاریکراوە، وەکو خۆی پێی ناگات، لەبەر ئەوەی عێراقیش ئەو رێژەیە بەکارناھێنێت، بۆیە ئێمە خۆمان بۆ ئەوە ئامادەکردووە، بەگوێرەی ئەو داھاتەی دەگاتە بەردەستمان، بڕیارمان داوە، (٣٠) رۆژ جارێک، مووچەی مووچەخۆران دابەش بکەین، ئەگەر حاڵەتی لەناکاو نەیەتە پێشەوە، ھەر وەک ئەوەی لەکاتی تەشەنەکردنی کۆرۆنا روویدا و نرخی نەوت دابەزی و داھاتی خاڵە سنوورییەکان زۆر کەمبوونەوە، بەڵام لەگەڵ پەسنکردنی بودجەی عێراق و ھاتنی پشکی ھەرێم، ئەوکات بڕیار لەوە دەدەین، دەتوانین رێژەی چەند مووچەی مووچەخۆران بدەین، ئەوە بڕیارێکە، مووچە (٣٠) رۆژ جارێکە، ئێمە وەکو حکومەتی ھەرێمی کوردستان پابەندی ئەوە دەبین، بەڵام بە رێژەی چەند کەمتر، ئەوە لەسەر داھات دەوەستێتەوە".

سەرچاوە | کوردستان ٢٤ 





ئەم هەواڵە 1585جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad