English | عربی | Kurdî دواهەواڵ
ڕاستەوخۆ  
 
عەبدولموهەیمەن بارزانی: تا ماوم سەرۆک بارزانی بە سەرۆکی خۆم و پارتی بە حزبی خۆم دەزانم
2021-02-01 [08:24 AM]

ZNA- ھەولێر



عەبدولموهەیمەن بارزانی ئەندامی ئەنجوومەنی سەرکردایەتی پارتی دیموکراتی کوردستان،  چەواشەکاریی چەند پەیجێک بەدرۆ دەخاتەوە.
عەبدولموهەیمەن بارزانی ئەندامی ئەنجوومەنی سەرکردایەتی پارتی دیموکراتی کوردستان، بە (خەبات)ی ڕاگەیاندوە: چەند ڕۆژێکە، لە چەند پەیجێک هەواڵێکی چەواشەکارانە بڵاوکراوەتەوە، گوایە من لە جەنابی سەرۆک بارزانی و پارتی دیموکراتی کورستان توڕە و نیگەرانم، ئەمە هەواڵێکی هەڵبەستراوە و هیچ بناغەیەکی نیە و درۆیەکی گەورەیە، ئەوانەی لە پشت ئەو چەواشەکارییەن، بۆ مەبەستی خۆیان کە شێواندنی  ڕاستی و دروستکردنی فەوزایە، پەنایان بردۆتە بەر درۆ هەڵبەستن.


هەروەها گوتی: لێرەوە ئەو هەواڵە چەواشەکارییە ڕەت دەکەمەوە و بە درۆیەکی گەورەی دەزانم کە بە ناوی ئێمەوە هەڵبەستراوە، بەو چەواشەکارانە دەڵێم ئەندام و لایەنگر و دۆستانی پارتی زۆر لەوە هۆشیارترن بڕوا بەو درۆ و دەلەسانە بکەن.


 زیاتر گوتی: 56 ساڵە لە ریزەکانی پارتی دیموکراتی کوردستان کار دەکەم و ئێستاش کە لە سەرکردایەتی ئەم حزبە دام، هەمیشە خۆم بە وەفادار بۆ ڕێبازی بارزانی و پارتی دەزانم، بۆیە ڕایدەگەیەنم من بە هیچ شێوەیەک لە جەنابی سەرۆک مەسعود بارزانی و پارتی دیموکراتی کوردستان زویر نیم، بە پێچەوانەوە تا ماوم جەنابی سەرۆک بارزانی بە سەرۆکی خۆم و پارتی بە حزبی خۆم دەزانم و خۆم بە سەربازێکی بە وەفای ئەم ڕێبازە دەزانم و دەمێنم.





ئەم هەواڵە 742جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad