2021-02-03 [08:02 AM]

 
مستەفا کازمی، فەرماندەی گشتیی هێزە چەکدارەکان لە تویتێکدا لە تۆڕی کۆمەڵایەتیی تویتەر رایگەیاند، رۆژی سێشەممە 2021/02/02  ئەبو حەسەن غەریباوی، فەرماندەی باشووری عێراقی رێکخراوی داعش و غانم سەباح، بەرپرسی گواستنەوەی خۆکوژەکانی ئەو رێکخراوە کوژراون.
 
مستەفا کازمی کوژرانی ئەوانەی بە تەواوکردنی بەڵێنەکان بۆ لەنێوبردنی سەرکردەکانی داعش و وەفاداریی خوێنی شەهیدەکانی عێراق ناوبردووە.
 
ئەوە لە کاتێکدایە کە هەمان رۆژ لە هێرشێکی چەکدارانی داعشدا لە سنووری نەفتخانەی گەرمیان پێنج چەکداری حەشدی شەعبی لەلایەن چەکدارانی داعشەوە کوژران.
 
هەروەها رۆژی 2021/01/28 مستەفا کازمی، سەرۆکوەزیرانی عێراق لە تویتێکدا کوژرانی جێگری خەلیفە و والیی داعشی لە عێراق رایگەیاند.