English | عربی | Kurdî دواهەواڵ
ڕاستەوخۆ  
 
داوا دەکرێت تاوانی بەرامبەر ئێزدییەکان بە جینۆساید بناسێنرێت
2021-02-06 [09:56 AM]

ZNA- ھەولێر



ئەمرۆ لە گوندی کۆچۆی سەر بە قەزای شنگال روفاتی ١٠٤ کەس بە خاک دەسپێردرێن کە قوربانی دەستی داعش بوون بەم بۆنیەوە لێژنەی شەھیدانی پەرلەمانی کوردستان راگەێنراوێکی بلاو کردەوە ئەمەی خوارەوە دەقەکەێتی .

 

لەڕۆژی ٢٠١٤/٨/٣ دەستی ڕەشی تیرۆریستانی داعش گەیشتە دەڤەری شنگال و بەو هۆیەوە هەزاران لەخۆشک و برا ئیزیدییەکانمان کە پێکهاتەی ڕەسەنی کوردستانن، دووچاری شاڵاوی جینۆساید و قڕکردن و کوشتن و ئازار و دەستدرێژی بوونەوە و ٧٢ گۆڕی بەکۆمەڵ لەو دەڤەرە دۆزاونەتەوە، کە تا ئێستا ٣٤٨ گۆڕ هەڵدراونەتەوە، و ئەمڕۆش رووفاتی ١٠٤ گۆڕی تر دەگەڕێندرێتەوە گوندی کۆجۆ. بەم بۆنە خەمناکەوە سەرەخۆشی لە خۆمان و بنەماڵەی سەربەرزی شەهیدانی تاوانی جینۆسایدی خوشك و برا ئێزیدیەكانمان دەكەین، كە لەسەر دەستی هێزێكی دەست ڕەش و تیرۆریستی وەك داعش بەپێچەوانەی هەموو ڕێسا و عورفێكی ئایینی و مرۆڤایەتی و یاسایی ناوخۆیی و نێودەوڵەتی ئەنجامدرا، سەری ڕێزونەوازش بۆ ئەو شەهیدانە و گشت شەهیدانی ئەو تاوانە قێزەونە دادەنەوێنێن.

لەم بۆنەیەدا بەپێویستی دەزانین كە داوا لە دەسەڵاتە فیدراڵیەكانی عێراق (پەرلەمان و حكومەت و دادگا) بكەین كە ئەو تاوانە بە جینۆسایدكردنی خوشك و برا ئێزیدیەكانمان بناسێنن و بەڕێگەی دانان و جێبەجێ كردنی یاسای تایبەتەوە لەدادگایەكی نێودەوڵەتیدا دادگایی تاوانبارانی ئەنجامدەری ئەو تاوانە، لەهەركوێیەك و پێگەیەكدابن، مسۆگەر بكەن، و قەرەبووی دادپەروەرانەی كەسوكاری سەربەرزی شەهیدەكانیان بكەنەوە، و بودجەیەكی تایبەت بۆ ئاوەدانكردنەوەی ناوچە و ماڵوحاڵی وێران كراویان لەبودجەی فیدراڵی ئەمساڵ و ساڵانی داهاتوو بۆ تەرخان بكرێت، و بەڕێگەی دامەزراوە و پلان و پرۆژەی تایبەتەوە ئاسەواری ماددی و برینە دەروونییەكانیان بسڕنەوە و ساڕێژ بكرێن، و پێش لەناوچوونی شوێنەوار و بەڵگەكانی تاوانەكە بەتەواوی بە دۆكیۆمێنت بكرێن، و ڕێگەخۆش بكرێت بۆ ئەوەی كە كۆمەڵگای نێودەوڵەتی بەهەموو شێوەیەك بەهانای ناوچەكانی خوشك و برا ئێزیدیەكانمانەوە بێن. هەروەها داوادەكەین كە حكومەتی فیدراڵی عێراق وەك ئەركی خۆی كاربكات بۆ گەڕاندنەوەی روفاتی شەهیدانی دیكەی جینۆسایدكردنی خوشك و برا ئێزیدیەكانمان، كە تا ئێستا لەگۆڕەبەكۆمەڵەكاندان، بۆ زێدی بابوباپیرانیان، و هەموو ڕێكارییەكی پێوویست بگرێتەبەر بۆ ڕێگری كردن لەئەنجامدانی تاوانێكی دیكەی لەوچەشنە لەناوچەكەیان گشت ناوچەیەكی دیكە.

جارێكی دیكە سەری ڕێز و نەوازش بۆ ئەو شەهیدانە دادەنەوێنین و رۆحیان شاد و خوای گەورە ئارامی بەكەسوكارییان ببخەشێت.

لێژنەی کاروباری شەهیدان و جینۆساید و زیندانیانی سیاسی





ئەم هەواڵە 364جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad