 |
|
|||
ZNA - ھەولێر سکرتێرێ رۆژنامەڤانیێ پارێزگارێ دهۆکێ راگه‌هاند: ئەڤرۆ رۆژا 7/2/2021 د رێورەسمەکی دا ب ئامادەبوونا (د.عەلی تەتەر) پارێزگارێ دهۆکێ، جێگرێ نوی یێ پارێزگارێ دهۆکێ و رێڤەبەرێن هەر ئێک ژ ناحیێن بامەرنێ، دەرکارێ، رۆڤیا ل سنوورێ پارێزگەها دهۆکێ دەست بکاربوون. مللەت عسمەت، سکرتێرێ رۆژنامەڤانیێ پارێزگارێ دهۆکێ ب ئاژانسی هه‌واڵی زاگرۆس راگه‌هاند: د چارۆڤێ گوهۆرینێن بەردەوامێن کارگێری دا یێن کو ل سنوورێ پارێزگەها دهۆکێ دهێنە ئەنجامدان "شەمعون شلیمون ئیشۆ" وەکو جێگرێ پارێزگارێ دهۆکێ دەست بکاربوو. هه‌روه‌سا گۆت: سێ کەسان خوە بۆ پۆستێ جێگری پارێزگارێ دهۆکێ بەربژارکربوو کو ئەڤ پۆستە بۆ پێکهاتا کریستیانانە، بەلێ ناڤێ شەمعون شلیمون ئیشۆ وەکو ناڤێ ئێکێ هاتبوو بلندکرن و ب دەرچوونا فەرمانا جڤاتا وەزیرێن حکومەتا هەرێما کوردستانێ ئەڤرۆ دەست بکاربوو. ملله‌ت دیاركر: د هەمان رێورەسم دا هەر ئێک ژ "میران عەبدوللا تاها" وەکو رێڤەبەرا نوی یا ناحیا بامەرنێ دەست بکاربوو، هەروەسا "ئەدیب جەعفەر مستەفا" وەکو رێڤەبەرێ نوی یێ ناحیا دەرکارێ دەست بکاربوو، دیسان د هەمان دەم دا (عنتەر فەرهاد محەمەد) وەکو رێڤەبەرێ نوی یێ ناحیا (رۆڤیا) دەست بکاربوو. گۆتژی: ئەڤ رێڤەبەرێن ناحیان یێن کو ئەڤرۆ دەست بکاربووین بەری نوکە هاتبوونە بەربژارکرن و ل رۆژا 2/12/2020 ژ لایێ جڤاتا پارێزگەها دهۆکێ ڤە هاتبوونە پەسەندکرن. ئەم هەواڵە 289جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad