English | عربی | Kurdî دواهەواڵ
ڕاستەوخۆ  
 
سەرۆک بارزانی له‌گه‌ڵ خاتوو پلاسخارت نێرده‌ی تایبه‌تی نه‌ته‌وه‌ یه‌كگرتووه‌كان كۆبووه‌وه‌
2021-02-14 [01:42 AM]

ZNA - هه‌ولێر


 

سەرۆك مەسعود بارزانی پێشوازی لە خاتوو جێنین پلاسخارت نێردەی تایبەتی سكرتێری گشتیی ڕێكخراوی نەتەوە یەكگرتووەكان لە عێراق كرد و باسیان لە کێشەکانی ئەمڕۆی عێراق کرد.

 

لە دیدارەكەدا بیروڕا لەبارەی بارودۆخی سیاسیی و دواپێشهاتەكانی عێراق و دانوستاندنەكانی نێوان هەرێم و حكوومەتی فیدڕاڵی و ئاستەنگەكانی بەردەم جێبەجێكردنی رێككەوتنی ئاساییكردنەوەی بارودۆخی شنگال ئاڵوگۆڕ كرا.

 

لەو دانیشتنەدا نێردەی تایبەتی سكرتێری گشتیی رێكخراوی نەتەوە یەكگرتووەكان لە عێراق جەختی لەوە كردەوە كە نەتەوە یەكگرتووەكان هانی حكوومەتی هەرێمی كوردستان و حكوومەتی فیدڕاڵی عێراق دەدات كە بەردەوام بن لە دیالۆگ و ڕەخساندنی كەشی ئیجابی بۆ سەرخستنی دانوستاندنەكان و بەدەستهاتنی چارەسەری گونجاو بۆ كێشەكانی نێوانیان.

 

هەر لەو كۆبوونەوەیەدا سەرۆك بارزانی پشتگیریی خۆی بۆ دیالۆگی بەردەوامی نێوان حكوومەتی هەرێم و حكوومەتی فیدڕاڵی عێراق لە چوارچێوەی دەستوور ڕاگەیاند و، ئەوەشی دووپات كردەوە كە ئەگەر لە ساڵانی ڕابردوودا دەستوور وەك خۆی جێبەجێ كرابا زۆر لەو كێشە و گرفتەكانە نەدەبوون كە ئێستا لە نێوان هەردوولا هەن.





ئەم هەواڵە 253جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad