English | عربی | Kurdî دواهەواڵ
ڕاستەوخۆ  
 
پەرلەمانتارێکی پارتی: بەھۆی شکستی دەوڵەتی عێراقەوە پاسپۆرتی عێراقی بەردەوام لە ریزبەندیی یەکەمی خراپترین پاسپۆرتەکانی جیھانە
2021-02-14 [03:31 AM]

ZNA-هەولێر


ئەندامێکی ئەنجومەنی نوێنەرانی عێراق لە فراکسیۆنی پارتی دیموکراتی کوردستان رایگەیاند، کە زمانی کوردی ھیچ زیانێکی لە پاسپۆرتی عێراقی نەداوە، بەڵکو بەھۆی شکستەکانی دەوڵەتی عێراقەوە، پاسپۆرتی عێراقی بەردەوام لە ریزبەندیی یەکەمی خراپترین پاسپۆرتەکانی جیھانە.

دوێنێ شەممە ١٣ی٢ی٢٠٢١، عالیە نوسەیف لە پۆستێکدا لە فەیسبووک، داوای لە وەزارەتی ناوخۆ کردبوو زمانی کوردی لەسەر پاسپۆرتی عێراقی لابدات.

ھەدار بارزانی، ئەندامی ئەنجومەنی نوێنەرانی عێراق لە فراکسیۆنی پارتی دیموکراتی کوردستان، بە ئاژانسی ھەواڵی زاگرۆسی راگەیاند، ئەو قسانەی پەرلەمانتار عالیە نوسەیف لە چوارچێوەی ئەو ھەوڵانەی دیکەیانە، کە دژی ھەرێمی کوردستان گرتویانەتە بەر و بەردەوام بۆ سەرقاڵکردنی خەڵکی عێراق، دژی ھەرێمی کوردستان قسە دەکەن.

ئەندامی ئەنجومەنی نوێنەرانی عێراق لە فراکسیۆنی پارتی دیموکراتی کوردستان گووتی: ژمارەیەک پەرلەمانتار ویستوویانە سکاڵا لەسەر عالیە نوسەیف، کە کۆنە بەعسییە، تۆمار بکەن، بەڵام پۆستەکەی لە پەیجی تایبەتیی خۆی لە تۆڕی کۆمەڵایەتیی فەیسبووک بەبێ داوای لێبووردن لە کورد سڕیوەتەوە.

ھەروەھا ھەدار بارزانی، ئەندامی ئەنجومەنی نوێنەرانی عێراق لە فراکسیۆنی پارتی دیموکراتی کوردستان ئەوەشی بۆ ئاژانسی ھەواڵی زاگرۆس خستەروو، کە نووسینی زمانی کوردی ھیچ زیانێکی لە پاسپۆرتی عێراقی نەداوە، بەڵکو بەھۆی شکستەکانی دەوڵەتی عێراقەوە، پاسپۆرتی عێراقی بەردەوام لە ریزبەندیی یەکەمی خراپترین پاسپۆرتەکانی جیھانە.


رێباز یونس





ئەم هەواڵە 196جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad