English | عربی | Kurdî دواهەواڵ
ڕاستەوخۆ  
 
موحسین دۆسکی: پەرلەمانی کوردستان وەرزش و یانە وەرزشییەکان و پەیمانگاکانی پێگەیاندن بە یاسا رێکدەخاتەوە
2021-02-14 [05:16 AM]


بڕیاردەرى لیژنەى رۆشنبیری لە پەرلەمانى کوردستان رایگەیاند بەهەماهەنگى لەگەڵ کەسانى شارەزا، بە یاسا وەرزش و یانە وەرزشییەکان و پەیمانگاکانی پێگەیاندنی وەرزشوانان رێکدەخرێنەوە.


موحسین دۆسکى، بڕیاردەرى لیژنەى رۆشنبیرى و کۆمەڵگەى مەدەنى و وەزرش و لاوانى پەرلەمانى کوردستان بە ئاژانسیى هەواڵی زاگرۆسی راگەیاند: بە ئامانجى داڕشتنى یاسایەک و دووبارە رێکخستنەوەى وەرزش و یانەکانى وەرزشى و ئەکادیمیاکانى پێگەیاندنى وەرزشوانان، بە هەماهەنگى ئەنجوومەنى وەزارەتى رۆشنبیرى و کەسانى شارەزاى بوارى وەرزش و وەرزشوانانى بە ئەزموون سەرقاڵى کارکردنین، بۆ ئەوەى گرنگى زیاتر بەو بوارە بدەین و زیاتر بەرەو پێشى ببەین بە شێوەیەکى زانستى.

موحسین دۆسکی گووتی: تا ئێستا لە هەرێمی کوردستان هیچ یاسایەک نییە بۆ مامەڵەکردن لەگەڵ ئەو بوارە گرنگەى ژیان کە وەرزشە، بۆیە ئێمە ئامانجمان دارشتنى یاسایەکى گشتگیرى دەوڵەمەندە، هەوڵەکانیشمان چڕدەکەینەوە بۆ ئەوەى لەم خولەى پەرلەماندا ببینە خاوەنى ئەم یاسایە.

هەروەها موحسین دۆسکى، بڕیاردەرى لیژنەى رۆشنبیرى و کۆمەڵگەى مەدەنى و وەزرش و لاوانى پەرلەمانى کوردستان ئەوەشی بۆ ئاژانسى هەواڵی زاگرۆسی خستەروو  گووتی : تا ئێستا زۆرینەى ئەو یانە و فێرگە وەرزشیانەى لە کوردستان هەن بە ئارەزووى خۆیان و بەبێ مۆڵەت دەستیان بەکارکردووە، بۆیە زۆر گرنگە ئەمانە بەپێى یاسا رێک بخرێنەوە، بۆ ئەم مەبەستەش وۆرک شۆپ وسمینارى تایبەت بەم بوارە لە سەرجەم پارێزگاکانى کوردستان رێک دەخەین، بۆ ئەوەى بۆچوونى یانەکان و کەسانى شارەزاى ئەو بوارە وەربگرین بۆ داڕشتنى یاسایەکى مۆدێرنى پێشکەوتوو.


D.H

 





ئەم هەواڵە 202جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad