 |
|
|||
ZNA- هەولێر جیاوازی گەورەی نرخی خەملێندراو بۆ بەرمیلێک نەوت لە پڕۆژەیاسای بودجە و نرخی راستەقینەی ئێستای نەوت لەبازاڕەكانی جیهان، مشتومڕێکی زۆری لە پەرلەمان بەدوای خۆیدا هێناوە. حكومەتی عێراق لەپڕۆژە یاسای بودجەی 2021 نرخی نەوتی یەك بەرمیل بە 42 دۆلار دیاریکردووە و ئێستاش نرخی یەك بەرمیل 62 دۆلاری تێپەڕاندووە، پەرلەمانیش دەستکاری کردووە و بۆ 45 دۆلار بەرزی کردووەتەوە. د. ئەحمەد سەفار ئەندامی لیژنەی دارایی لە ئەنجومەنی نوێنەرانی عێراق رایگەیاند، پێویستە نرخی بەرمیلێک نەوت لە پڕۆژە بودجە بۆ 48 دۆلار بەرزبکرێتەوە، لە کاتێکدا حکومەت بە 42 دۆلار دیاریکردووە، بەڵام لیژنەی دارایی بۆ 45 دۆلار بەرزی کردەوە. سەفار راشیگەیاند، ئەو نرخە جیاوازی زۆری لەگەڵ بازاڕ هەیە لە کاتێکدا نرخی بەرمیلێک نەوت بۆ سەرووی 62 دۆلار بۆ هەر بەرمیلێک بەرزبووەتەوە، کە جیاوازی نێوان نرخی خەملێندراو و نرخی بازاڕ 17 دۆلارە بۆ هەر بەرمیلێک، ئەو جیاوزیەش کورتهێنان لە پڕۆژەیاسای بودجە پڕ دەکاتەوە پێویست بە قەرز وەرگرتن ناکات. ئەم هەواڵە 292جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad