2021-02-20 [03:08 AM]

وەزارەتی کارەبای حکومەتی ھەرێمی کوردستان، ئەمڕۆ شەممە (٢٠ی شوبات/ فێبرایەری ٢٠٢١) رایگەیاند، وەزارەتەکەیان لە گەڵ وەزارەتی سامانە سرووشتییەکان و بەھاوکاری کۆمپانیای دانەغاز ئەو کێشە تەکنیکییەیان چارەسەر کردووە، کە ئەمڕۆ رووبەڕووی کوژاندنەوەی کارەبای گشتی ببوون.

دەقی راگەیەنراوەکەی وەزارەتی کارەبا:

ھاوبەشانی کارەبا ئاگادار دەکەینەوە کاتژمێر ٥:٠٠ ئەم ئێوارەیە گرفتە تەکنیکییەکەی دانەغاز ئاسایی بووەوە، ئەمەش دوای ئەوەی ھەردوو وەزارەتی سامانە سرووشتییەکان و وەزارەتی کارەبا، ھاوکاری تیمەکانی  کۆمپانیای دانەغاز بوون و پێکەوە توانییان چارەسەری ئەو گرفتە تەکنیکییە بکەن.

وەزارەتی کارەبا راستەوخۆ ھەر لەکاتی کەوتنەوەی گرفتەکەدا لە رێگەی تیمەکانی کۆنترۆڵی کارەبای ھەرێم و وێستگەکان رێگایان نەدا کوژانەوەی گشتی کارەبا رووبدات.

راگەیاندنی وەزارەتی کارەبا

٢٠/٢/٢٠٢١