English | عربی | Kurdî دواهەواڵ
ڕاستەوخۆ  
 
ژمارەیەك حاڵەتی دیكەی كۆرۆنای گۆڕاو لە ھەرێمی كوردستان تۆمار كران
2021-02-22 [10:43 AM]

ZNA-هەولێر


وەزیری تەندروستی ھەرێمی كوردستان ئاشكرای كرد، 9 كەسی دیكە تووشی كۆرۆنای نوێ بوونە و لە كۆبوونەوەی ئەمڕۆی لیژنەی باڵای رووبەڕووبوونەوەی كۆرۆنا چەند پێشنیاز و داواكارییەك دەخەنەڕوو.

د. سامان بەرزنجی، وەزیری تەندروستی هەرێمی کوردستان رایگەیاند: "بۆ كۆبوونەوەی ئەمڕۆ راپۆرتێكمان ئامادەكردووە، تێیدا ھەڵسەنگاندنمان بۆ رەوشی گشتی تەندروستی لەبارەی ڤایرۆسی كۆرۆنا، ھەمیش لەبارەی دەوامی قوتابخانەكان دەخەینەڕوو، ھەروەھا كۆمەڵێك پێشنیاز و داواكاریمان لە تیمی وەزارەت و بەڕێوەبەرایەتییە گشتییەكانی تەندروستی كۆكردووەتەوە و دەخەینە بەردەم لیژنەی باڵای رووبەڕووبوونەوەی كۆرۆنا، ھەوڵدەدەین رێكارەكان لەگەڵ ژیان و گوزەرانی خەڵك بگونجێنین، بۆ ئەوەی بتوانین لەئێستاوە دۆخەكە كۆنترۆڵ بكەین و نەھێڵین ڤایرۆسەكە زیاتر تەشەنە بكات، چونكە ئەگەر زیاتر بڵاوببێتەوە رێكارەكان قورستر دەبن".

لەبارەی بڵاوبوونەوەی كۆرۆنای گۆڕاو لە ھەرێمی كوردستان و مەترسی لەسەر منداڵان لە ناوەندەكانی خوێندن، وەزیری تەندروستی گوتی: "ئەمڕۆ 9 حاڵەتی دیكەی ڤایرۆسی كۆرۆنای گۆڕاو لە ھەرێمی كوردستان تۆمار كراون و رەنگە حاڵەتی دیكەش ھەبن ھێشتا دڵنیا نەكراوەتەوە، ھەموویان خەڵكی ھەولێرن و ھەندێكیان گەشتیاربوون و گەڕاونەتەوە كوردستان".

گوتیشی: "سەبارەت بە قوتابی و مامۆستایان، راستە قوتابخانەكان كراونەتەوە، بەڵام بەپێی ھەڵسەنگاندنەكانمان تائێستا دۆخەكە لە ناوەندەكانی خوێندن خراپ نییە، لە ھەندێك قوتابخانە و گەڕەك حاڵەت ھەبووە و رێكاری پێویست وەرگیراوە و نەبووەتە ھۆی بڵاوبوونەوەی گشتی، بۆیە ئێستا ئێمە لەگەڵ بەردەوامبوونی خوێندنین لە قوتابخانەكان بە پابەندبوون بە رێنمایی و جێبەجێكردنی رێكارەكانەوە".

 

K24





ئەم هەواڵە 97جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad