English | عربی | Kurdî دواهەواڵ
ڕاستەوخۆ  
 
خەڵکی بەلووچستانی ئێران باڵەخانەی قایمقایمی سەراوانیان وێران کرد+ڤیدیۆ
2021-02-23 [07:20 AM]

​ZNA – هەولێر


دانیشتوانی توڕەی شاری سەراوان لە پارێزگای بەلووچستانی رۆژهەڵاتی ئێران، دوای ئەوەی بە گژ پۆلیس و هێزی ئەمنی داهاتنەوە، بینای قایمقایمی شارەکەیان داگیر کرد.

دانیشتوانی سەراوان دوای تەقەكردنی هیزە ئەمنییەکانی ئێران لە کاسبکارانی بەلووچ و کوشتنی چوار کاسبکار، بەگژ هێزەکانی حکومەت‌دا هاتنەوە.

بە گوێرەی ئەو هەواڵانەی لە رۆژهەڵاتی ئێرانەوە بڵاو دەبنەوە، خەڵکی تووڕە، دوای ئەوەی لە نێو شاری سەراوان هێرشیان کردە سەر هێزی ئەمنیی حکومەت، باڵەخانەی قایمەقایمی شارەکەشیان داگیر کرد.

دانیشتووانی پارێزگای بەلووچستانی ئێران موسوڵمانی سوننەن و سەر بە نەتەوەی بەلووچن. بەلووچەکان بە زۆری بەسەر دوو وڵاتی ئێران و پاکستاندا دابەش کراون.

دانیشتووانی بەلووچستان بە هۆی هەژارییەوە ناچارن لە سنووری ئێران و پاکستان کۆڵبەری بکەن و بەنزین و گازاویل بۆ دەرەوەی ئێران بگوازنەوە.

لە هەفتەی رابردووشدا گروپە نەتەوە‌خوازەکانی بەلووچ لە رۆژێکدا سێ پاسدار و سێ ئەندامی ئیتلاعاتی ئێرانیان کوشت.  





ئەم هەواڵە 112جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad