English | عربی | Kurdî دواهەواڵ
ڕاستەوخۆ  
 
سه‌رۆكی هه‌رێم له‌گه‌ڵ جێگری وه‌زیری ده‌ره‌وه‌ی ئه‌رمه‌نستان كۆبووه‌وه‌
2021-02-24 [02:09 AM]

ZNA - هه‌ولێر


 

نێچیرڤان بارزانی، سه‌رۆكی هه‌رێمی كوردستان، له‌ كۆبوونه‌وه‌یدا له‌گه‌ڵ جێگری وه‌زیری ده‌ره‌وه‌ی ئه‌رمینیا رایگه‌یاند، كردنەوەی باڵیۆزخانەی ئەرمەنستانی لە بەغدا و كونسوڵخانەی گشتیان لە هەولێر و ناوەندێكی ڕۆشنبیریی ئەرمەنی لە قەڵای هەولێر، لەگەڵ كاركردن بۆ كردنەوەی گەشتیی ڕاستەوخۆی ئاسمانی لە بەغدا و هەولێرەوە بۆ یەریڤان، هەنگاوی باشی برەودانه‌ بە پەیوەندییەكانی عێراق و هەرێمی كوردستان لەگەڵ ئەرمەنستان و خۆشحاڵیی خۆیشی بەم هەنگاوانە دەربڕی.

نیوەڕۆى ئەمڕۆ چوارشەممە 24ی شوبات/ فێبرایه‌ری 2021 نێچیرڤان بارزانى، سەرۆکى هەرێمى کوردستان، پێشوازی لە ئارتاك ئاپیتۆنیان، جێگری وەزیری دەرەوەی ئەرمەنستان كرد.

لە كۆبوونەوەیەكدا كە باڵیۆزی ئەرمەنستان لە بەغدا و كونسوڵی گشتی ئه‌و وڵاته‌ لە هەولێر ئامادەی بوون، گفتوگۆ سیاسی و دیپلۆماسییەكانی جێگری وەزیری دەرەوەی ئەرمەنستان لە بەغدا، پەرەپێدانی پەیوەندییەكانی هەرێمی كوردستان و عێراق لەگەڵ ئەرمەنستان، كردنەوەی باڵیۆزخانەیان لە بەغدا و كونسوڵخانەی گشتییان لە هەولێر، پەیوەندییەكانی نێوان هەردوولا بەتایبەتی لە بوارەكانی خوێندنی زانكۆیی، تەكنەلۆژیا و كشتوكاڵدا، دۆخی ڕەوەندی كوردی لە ئەرمەنستان و پێكهاتەی ئەرمەن لە هەرێمی كوردستان، تاووتوێ كران.

جێگری وەزیری دەرەوەی ئەرمەنستان خواستی وڵاتەكەی بۆ برەودانی زیاتر بە پەیوندییەكانی لەگەڵ هەرێمی كوردستان لە هەموو بوارەكاندا دووپات كردەوە و سوپاسی هەرێمی كوردستانی كرد بۆ ئەو گرنگییەی بە پێكهاتەی ئەرمەن دراوە كە توانیویانە لە پەرلەمانی كوردستان نوێنەرایەتییان هەبێت و كەنیسەیان بكەنەوە و مافەكانیان پارێزراو بێت.

 





ئەم هەواڵە 433جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad