English | عربی | Kurdî دواهەواڵ
ڕاستەوخۆ  
 
ناوه‌ڕۆكى كۆبوونه‌وه‌ى سەرۆك بارزانی و پاپا فرانسیس
2021-03-07 [09:49 AM]

ZAN-هەولێر


سه‌رۆك مه‌سعود بارزانى پێشوازیی له‌ پاپاى ڤاتیكان كرد و ڕاى ده‌گه‌یه‌نێت: "شانازی بە فەرهەنگی پێکەوەژیانی گەلی كوردستان دەکەین".

ئه‌مڕۆ یه‌كشه‌ممه‌ 7/3/2021 لە شاری هەولێر، سەرۆك بارزانی پێشوازیی لە پاپا فرانسیس، پاپای ڤاتیكان و كاتۆلیكەكانی جیهان كرد، لە كۆبوونەوەیەكی تایبەتدا پاپا فرانسیس، دوای گه‌یشتنی بۆ هه‌ولێر، له‌گه‌ڵ سه‌رۆك بارزانی كۆ بووه‌وه‌ و له‌ كۆبوونه‌وه‌كه‌شدا سوپاسی تایبه‌تی سه‌رۆك بارزانی كرد‌ بۆ پاراستنی پێكهاته‌ ئایینی و نه‌ته‌وه‌ییه‌كان له‌ هه‌رێمی كوردستان و هێنانه‌ ئارای ره‌وشی پێكه‌وه‌ژیانی ئاشتییانه‌ له‌ نێوانیاندا.

هەر لەو دیدارەدا پاپا فرانسیس بە سه‌رۆك بارزانی ڕاگەیاند: "كوردستانم له‌بیر نه‌چووه‌، له‌سه‌ر داخوازی ئێوه‌ و سه‌رۆكی حكوومه‌تی هه‌رێمى كوردستان هاتوومه‌ته‌ ئێره‌ و سه‌ردانه‌كه‌ی ئێوه‌ و سه‌رۆك وه‌زیرانم له‌بیر نه‌چووه، ئێوه‌ نه‌ك پێشوازی له‌من، پێشوازیشتان له‌ كریستیانه‌كانیش كرد‌".

پاپا ئاماژه‌ی به‌وه‌ش كرد: "ئێوه‌ له‌كاتی هێرشه‌كانی داعش كریستیانه‌كانتان پاراست، ئێوه‌ وه‌ك برا پێشوازیشتان له‌ برا كریستیانه‌كان كرد".

هه‌ر له‌ دیداره‌كه‌دا سه‌رۆك بارزانی هیوای خواست، سه‌ردانی پاپا فرانسیس برایەتی و پێکەوەژیان لەنێو ئایینەکان پتەوتر بکات و گوتی: "شانازی بە فەرهەنگی پێکەوەژیانی گەلی كوردستان دەکەین، فەرهەنگی پێکەوەژیانمان برایەتی و خۆشەویستی زیاتر کردووە، بەناوی هەموو پێکهاتەکانی کوردستان پێشوازیت لێدەکەین و سەردانەکەی ئێوە جێگەی ڕێزی زۆری ئێمەیە".

 





ئەم هەواڵە 331جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad