English | عربی | Kurdî دواهەواڵ
ڕاستەوخۆ  
 
ئاسۆشیتێدپرێس: ئاسته‌نگی زۆر له‌به‌رده‌م گه‌ڕانه‌وه‌ی په‌یوه‌ندی توركی – ئه‌مه‌ریكی بۆ دۆخی پێشوو دایه‌
2021-03-16 [11:25 AM]

ZNA - هه‌ولێر


 

ئاژانسی ئه‌سۆشیێیتدپرێس رایگه‌یاند، ره‌جه‌ب ته‌یب ئه‌ردۆغان سه‌رۆكی توركیا لێدوانه‌كانی به‌رامبه‌ر رۆژئاوا و ئه‌مه‌ریكا نه‌رم كردوه‌، ئه‌مه‌ش هه‌وڵێكی روونه‌ بۆ ئه‌وه‌ی په‌یوه‌ندییه‌ ئاڵۆزه‌كاوییه‌كانی له‌گه‌ڵ هاوپه‌یمانه‌كانی دووباره‌ بگه‌ڕێنێته‌وه‌ دۆخی پێشوو، به‌ڵام تاكو ئێستا له‌لایه‌ن سه‌رۆكی ئه‌مه‌ریكا جۆو بایدن وه‌ڵام نه‌دراوه‌ته‌وه‌.

دوو مانگ بەسەر دەستبەکاربوونی بایدەن وەک سەرۆکی نوێی ئەمریکا تێدەپەڕێت بەڵام سەرۆکی ئەمریکا تا ئێستاش پێوەندیی لەگەڵ ئەردۆغاننەکردووە. ئەوەش لەکاتێکدایە کە دۆناڵد ترەمپی سەرۆکی پێشووی ئەمریکا بە وتەی کەسانی نزیکی خۆی، هەر کاتێک ئەردۆغان حەزی کردبا دەیتوانی قسەی لەگەڵ بکات یان داوای ئیمتیازی لێبکات.

ئاژانسی هەواڵی ئاسۆشیتێدپرێس لەو بارەیەوە نووسیویەتی: ئەردۆغان سەرۆکی تورکیا چاوەڕوانی تەلەفونێکە لە لایەن بایدەنەوە بۆی بکرێت. بێ مەلاباتیی بایدەن بەرامبەر ئەردۆغان کە لە ڕابردووشدا بە هۆی شێوەی مامەڵەکردنی ئەردۆغان لەگەڵ ئوپوزسیۆنی، ڕەخنەی لێگرتبوو بۆتە هۆی نیگەرانیی زۆری تورکیا.

ئاسۆشیتێدپرێس باسی ئەوەی کردووە کە ئەردۆغان زمان و شێوەی قسەکردنی لەبارەی ئەمریکاوە گۆڕیوە و نەرمتری کردووە بەو هیوایەی پێوەندییە ئاڵۆزەکەی ئەم دواییەی ئەمریکا باشتر بکات.

ئەو هەواڵدەرییە هۆکاری بێ مەلاباتیی جۆبایدەن بەرامبەر ئەردۆغان بەوە دەزانێت کە سیستەمی مووشەکیی ئێس 400ی لە ڕووسیا کڕیوە و لە بەری ڕۆژهەڵاتی دەریای ناوەڕاست جووڵەی خراپی کردووە.

جێن ساکی وتەبێژی کۆشکی سپییش لەم دوایییەدا ناڕاستەوخۆ گوتبووی کە بەم زووانە پێوەندیی نێوان بایدەن و ئەردۆغان لە ئارادا نیە و پێ دەچێت ئەو پێوەندییە لە "کاتێکی دیکە"دا ئەنجام بدرێت.

مەروە تاهیر ئوغڵوو چاودێرێکی پڕۆژەی دیموکراسیەت لە خۆرهەڵاتی ناوەڕاست ئاماژەی بەوە کردووە کە دوو وڵاتەکە ململانێی ڕیشەیییان لەبارەی نزیک بوونەوەی تورکیا بە ڕووسیا و کڕینی سیستەمی بەرگریی ئێس 400 و پشتگیری کردنی ئەمریکا لە کوردەکانی سووریا و گێچەڵسەرییەکانی تورکیا لە خۆرهەڵاتی ناوەڕاستی لەگەڵ یەکتر هەیە بۆیە باشبوونەوەی پێوەندیی نێوان دوو وڵاتەکە زەحمەتە.

گونول تول بەڕێوەبەری توێژینەوەکانی تورکیا لە پەیمانگای ڕۆژهەڵاتی ناوەڕاستیش ئاماژەی بە ناکۆکییە ڕیشەیییەکانی نێوان ئەمریکا وتورکیا لە سەر بابەتی وەک تەرکیزی تورکیا لە سەر هەبوونی لە بەری خۆرهەڵاتی دەریای ناوەڕاست و داوای ئەمریکا لە تورکیا سەبارەت بە بەهادانی زیاتر بە مەسەلەی مافی مرۆڤ و دیموکراسیەت ئەگەری دابەزی خێرای تەنگەژەی نێوان ئەو وڵاتە ئەستەم دەکات.

 

سه‌رچاوه





ئەم هەواڵە 550جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad