English | عربی | Kurdî دواهەواڵ
ڕاستەوخۆ  
 
له‌ قه‌يران خۆدزينه‌وه‌، له‌ ده‌ستكه‌وت به‌خاوه‌ن ده‌ركه‌وتن!
2021-04-03 [07:12 AM]




نووسنی: حه‌سيبه‌ گه‌ردى 
 

کوردستانێکی بەهێز، سەرۆک وەزیرانی حکومەتێکی بەهێزی دەوێت کە بڕیارێکی دروست و مێژوویی بدات و، ئەو میکانيزمە ئەقڵانییە بوێرە جێبەجێ بکات کە لە بەغدای پایتەختی عێراقەوە بەهۆی پێشێلکردنی بنەماکانی دەستوور و یاسا و شەراکەتی ڕاستەقینە لە ڕێگەی سیاسییە شکستخواردوو و گەندەڵەکانی عێراقەوە کەڵەکە ببوون و چارەسەریان گەیشتبوو قۆناغی مەحاڵ. كابينه‌ى نۆيه‌مى حكومه‌تى هه‌رێمى كوردستان به‌ سه‌رۆكايه‌تيى ڕێزدار مه‌سرور بارزانى، هه‌ر له‌ ده‌ستپێكى ڕاگه‌ياندنى به‌رنامه‌ى كاريه‌وه‌، سه‌ره‌ڕاى تيشك خستنه‌ سه‌ر كه‌موكووڕى و خه‌ساره‌كان و ڕێگرى له‌ به‌هه‌ده‌ردان و به‌هادانى جددى به‌ چاكسازى، هه‌روه‌ها ده‌ستنيشانكردنى پێشێلكردنى ده‌ستوور و یاسا له‌لايه‌ن حكومه‌تى عێراقى فيدڕاڵ و پابه‌ندبوونى هه‌رێمى كوردستان به‌و ده‌ستووره‌ و سه‌ربارى بڕينى بودجه‌ و قووتى هاونيشتمانیيانى كوردستان له‌ لايه‌ن حکومەتی فیدڕاڵەوه‌، نييه‌تپاكيی خۆى بۆ به ‌ئه‌نجام گه‌ياندنى دانوستاندن و گفتوگۆكان بۆ چاره‌سه‌رى كێشه كه‌ڵه‌كه‌بووه‌‌كان به‌رجه‌سته‌ كرد، هه‌ر ئه‌وه‌ش واى كرد، دواى نزيكه‌ى (20) سه‌ردانى شاندى هەرێم بۆ بەغدا، حکومەتی هەرێم و عێراق لەسەر پشکى هەرێم لە بودجەى ساڵى2021 گەیشتنە رێککەوتن و، ئه‌گه‌ر به‌غدا به‌ رێککەوتنه‌كه‌ پابه‌ند بێت، حكومه‌تى هه‌رێم بۆ قه‌ره‌بووكردنه‌وه‌ى هاونيشتمانيان به‌گشتى و فه‌رمانبه‌رانى خۆڕاگرى كوردستان به‌تايبه‌تى ده‌ستكراوه‌تر ده‌بێت، به‌وه‌ش ده‌توانێت نه‌ك مووچه‌ به‌ بێ لێ بڕين دابه‌ش بكات، ڕه‌نگه‌ قه‌ره‌بووى پاشكه‌وته‌كانيش بكاته‌وه‌.
بێگومان‌ په‌تاى نه‌گريسى كۆرۆنا و كاردانه‌وه‌كانى، ئابووريى زۆربه‌ى وڵاتانى جيهانى ئيفليج كرد، به‌ڵام هه‌رێمى كوردستان، له‌گه‌ڵ ئه‌وه‌يدا كه‌ له‌و هاوكێشه‌يه‌ به‌ده‌ر نييه‌، هاوكات له‌گه‌ڵ حیماسه‌تى پێشمه‌رگه‌ بۆ تێكشكاندنى داعشييه‌كان و تێچووى قورسى ئه‌و نه‌به‌رده‌ سه‌خته‌ له‌ قوربانيی مرۆيى و له‌ ڕووى بارى ئابوورييشه‌وه‌، نزيكه‌ى دوو ملوێن ئاواره‌ و په‌نابه‌رى شه‌ڕيشى داڵده‌ داوه‌، به‌ درێژاى ئه‌و ساڵانه‌ش به‌غدا بودجه‌ و مووچه‌ى لێ بڕيوه‌، به‌ڵام به‌ سياسه‌تى حه‌كيمانه‌ى ڕێزدار جه‌نابى سه‌رۆك بارزانى كابينه‌كانى هه‌شته‌م و نۆيه‌م كارنامه‌يه‌كى دره‌وشاوه‌يان بۆ خۆيان تۆمار كرد و، به‌ پلانى ورد و ڕژد ڕووبه‌ڕووى هه‌موو پيلان و نه‌خشه‌ شوومه‌كانى دژ به‌ كوردستانيان بوونه‌وه. دياره‌ له‌ سه‌رده‌مى رژێمى به‌عسه‌وه‌ تا به‌ ئێستاش‌ هه‌ميشه‌ له‌ به‌غدا به‌ عه‌قڵييه‌تى شۆڤينى له‌گه‌ڵ كورد مامه‌ڵه‌ كراوه‌، به‌داخه‌وه‌ له‌ ناوخۆشماندا هه‌ندێ كه‌س و لايه‌نى هه‌ڵپه‌رست، له‌ پێناوى وه‌رگرتنى ئيمتيازات و به‌رژه‌وه‌نديى شه‌خسيدا، هاوكاريان بوون، نموونه‌ى به‌رچاويشيان خيانه‌تى گه‌وره‌ى 16ى ئۆكتۆبه‌ر بوو، كه‌ ئاسه‌واره‌كانى زۆر دڵته‌زێن و پڕخه‌سار بوون، هه‌شن گرووپى سه‌ر به‌ ئه‌و ره‌وته‌، كه‌ بۆ دابه‌شكردنى هه‌رێمى كوردستان و جياكردنه‌وه‌ى سلێمانى و ته‌نانه‌ت به‌ده‌سته‌وه‌دانى هه‌موو هه‌رێم بۆ به‌غدا ئيمزا كۆده‌كه‌نه‌وه‌! ئه‌و كۆمه‌ڵه‌ كه‌سه‌ ده‌رچووه‌ له‌ هێڵى نيشتمانى، هه‌ميشه‌ له‌ قه‌يراندا كاريان خۆدزينه‌وه‌ بووه‌، له‌ ده‌سته‌به‌ركردنى هه‌ر ده‌ستكه‌وتێكيشدا به‌په‌له‌ لێى به‌ خاوه‌ن ده‌رده‌كه‌ون و خۆڵ له‌ چاوى خه‌ڵك ده‌كه‌ن، بۆ ئه‌وه‌ى له‌ پرۆسه‌ى ده‌نگداندا په‌راوێز نه‌خرێن و ئيراده‌ى گه‌ل تۆڵه‌يان لێ نه‌كاته‌وه.‌
جگه‌ له‌ هه‌وڵه‌كانى كابينه‌ى نۆيه‌م بۆ گه‌يشتن به‌ ڕێككه‌وتن له‌گه‌ڵ به‌غدا، هه‌نگاوه‌كانى فره‌چه‌شن كردنى داهاتى گشتى و وه‌به‌رهێنان و به‌ پيشه‌ييكردنى فره‌ڕه‌هه‌ند و پڕۆژه‌ خزمه‌تگوزارييه‌كان، هه‌روه‌ها سه‌قامگيريى ئه‌منى و ئاسايشى هاووڵاتيان ده‌يسه‌لمێنن كه‌ كام‌ كه‌س و كام لايه‌ن له‌ كاتى قه‌يراندا شانى به‌ به‌ر داوه‌ و بڕيارى چاره‌نووسسازى داوه‌، هاونيشتمانييانى چاوكراوه‌ و عه‌دوالى نيشتمانيش ده‌زانن، كامانه‌ن ئه‌‌وانه‌ى به‌ دروشمى بێ كردار و خۆدزينه‌وه‌ له‌ قه‌يران و نه‌هامه‌تييه‌كان ئاو بۆ ئاشى دوژمنانى ده‌ستكه‌وته‌كانى كورد ده‌به‌ن.





ئەم هەواڵە 7369جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad