English | عربی | Kurdî دواهەواڵ
ڕاستەوخۆ  
 
كوردستانێكی بەهێز،، لە چەقی ناوچەیەكی پر مڵمڵانێی وئاڵۆزدا ..
2021-05-10 [08:05 AM]

نوسینی : رێبوار حەمەلاو شوانی


هەولێر و هەرێمی كوردستان كەوتوونەتە چەقی ناوچەیەكی پر كێشە و مڵمڵانێی لە ناوچەكە و رۆژهەڵاتی ناوەڕاست، هەروەها لە رووی پێگەی جیوپۆلۆتیك وجیوپۆلیتك و سەربازییەوە شوێنكی دیار وهەستیار و گرنگ و پربایەخە ، شۆڕشە یەك لە دوای یەكەكان تا شۆرٍشی مەزنی ئەیلوول و گوڵانی پێشكەوتنخواز لە پێناو رزگاری خاك و پاراستنی شوناسی نەتەوەیی مان بووە لەو ناوچەیە دا ، كە تا بە ئەمڕۆ  هەزاران كەس گیانیان فیدایی ئەو گەل و نیشتیمانە كردووە .
دۆژمنان و داگیركەرانی كوردستان  زۆر هەوڵیاندا و جۆرە چەك و پیلانگێری یان بۆ رێگریكردن لە رزگاربوون و ئازادیخوازیمان ئەنجامدا ، بەڵام خۆراگری و فیداكاریمان رێگەی نەدا خەون و مەڕامی ناحەزان بێتەدی و ئەمڕۆ گەلی كورد خاوەن دەستكەوت و شانازیی گەورە و پرشكۆیە  ، لەگەڵ ئەوەشدا نەیارانمان بەردەوام لە هەوڵە نەزۆكەكانیان بەردەوامن بۆ رێگریكردن لە كاروانی ئاوەدانی و پێشكەوتن و گەشەسەندمان بە تایبەت لە ماوەی 7 ساڵی رابردوو، ناوچەكە رووبەرووی كۆمەڵێك گۆرانكاری و پێشهاتی نوێی بوونەوە و هەرێمی كوردستانیش بێ‌ بەش نەبوو بەڵكو كاریگەری زۆری هەبوو هەر لە گوشارو گەمارۆكانی عێراق دژ بە هەرێمی كوردستان  وئینجا گۆرینی ئارٍاستە درندەترین رێكخراویی تیرۆریستی بەرەو هەولێری پایتەخت .
بەڵام ئەو كاتە پێگە و گرنگی بایەخی هەرێمی كوردستان دەركەوت كاتێك ئەمەریكا وهاوپەیمان كاردانەوە و پشتیوانی هەرێمی كوردستانیان لە رێگەی بەكارهێنانی فرۆكە و هەماهەنگی سەربازی و هاوكاری لۆجستیان بە هێزی پێشمەرگەی كوردستان كرد و پێشمەرگەی كوردستان بە گیانفیدایی خۆی توانیی خاك و نیشتیمانی بپارێزێت ، ئەگەر گڵوپی سەوزی ئەمەریكا وهاوپەیمانان هەڵەیەكی گەورە بوو بەرانبەر بە گەلی كورد و هەرێمی كوردستان ، بەڵام رووداوەكانی دواتر ئەو راستییەی سەڵماند كە كوردستانێكی بەهێز و بەتایبەت هەولێری پایتەختی كوردستان چەند گرنگ  وپربایەخە بۆ راگرتنی باڵانس لە عێراق و رێگریكردن لە دەستێوەردان و فراوانبوونی پێگەی وڵاتانی ئیقلیمی لە عێراقدا .
بەتایبەت پێگەی بەهێزی هەولێری پایتەختی هەرێمی كوردستان  دەركەوت ، كاتێك كەوتەوە بەرپەڵاماری مووشەكی میلیشا تیرۆریستەكان و فرۆكەی بێ‌ فرۆكەوان ، لەو كاتەدا، هەموو وڵاتانی زڵهێز هەر لە ئەمەریكاو فەرەنسا و بریتانیا ،نەتەوەیەكگرتووەكان و زۆرێك لە وڵاتانی ناوچەكە  پشتیوانیی خۆیان بۆ هەولێر و هەرێمی كوردستان  دووبارەكردووە، ئەمەشە پەیامێكی روون وئاشكرایە، كە هەمووان بە پەرۆشەوە لە خەمی پێشكەوتن وسەقامگیری و زیاتر گەشەیەندنی ئەو كاروانە ئاوەدانییەن كە حكومەتی كوردستان لە گشت بوارەكاندا هەنگاویی بۆنەوە و رێگەنادرێت ، ھەولێر لە كاروانی ئاوەدانی بوەستێت  و وڵاتانی دونیایش  باوەڕی تەواویان  بە سەقامگیریی هەولێری  پایتەخت و سەركردایەتییە سیاسی هەرێمی كوردستان  ھەیە.
بۆیە، ئەگەر هەڵوەستەیەكی وردبینانە بكەین، هەرێمی كوردستان لە دوای كۆڕەوە ملیۆنەكەی بەهاری 1991 لە كۆبوونەوەیەكی ئەنجوومەنی ئاسایشی نەتەوەیەكگرتووەكاندا ، تایبەت بە گەلی كورد لە هەرێمی كوردستان ئەو بریاری ناوچەیەكی دژە فرین و پاراستنی گەلی كورد لە هەرٍەشە و مەترسییەكان دەركرد ، ئێستاش جارێكی تر ،بەهەمان شێوە وڵاتانی  ئەمەریكاو ئەوروپایی لە رێگەی زیادكردنی سیستەمی بەرگری و هێنانی سەربازی زیاتر و مەشق و راهێنانی زیاتر بە هێزەكانی پێشمەرگە و دانانی سیستەمی دژە مووشەكی و ئاگاداركردنەوە لە هەرێمی كوردستان و بەتایبەت پایتەخت ، هەموو ئەو ھەنگاوەش دەرخەری ئەو ڕاستییەیە، ئیدی ھەولێر لە ھاوكێشە ھەرێمی و نێودەوڵەتییەكان خاوەن پێگەی تایبەتە.
لەلایەكی ترەوە، سەردانی پاپای ڤاتیكان بۆ هەولێری پایتەختی هەرێمی كوردستان و ئەنجامدانی رێورەسمی ئایینی، ئینجا بانگهێشتی فەرمی فەرەنسا بۆ بەرێز نێچیرڤان بارزانی سەرۆكی هەرێمی كوردستان و سەردانی ئەمنیداری گشتی كۆمكاری عەرەبی و چەندین شاندی پایەبەرزی وڵاتانی ناوچەكە و جیهان و بەمەبەستی گفتگۆ وراوێژ لەگەڵ سەرۆك بارزانی و سەركردایەیی سیاسی هەرێمی كوردستان و گفتگۆ ودانووستانەكانی هەرێمی كوردستان لەگەڵ گشت هێزولایەنە عێراقییەكان و بوونی كەشوهەوایەكی سەقامگیر و ئاڕام لە هەرێمی كوردستان لە رووی پێكەوە ژیانی ئاشتیانە گشت پێكهاتە و ئایین و ئایینزاكان بەتایبەت لە كاتە سەخت و هەستیارەكانی شەرٍی جیهاتی تیرۆریستانی داعش و شەڕی تایفی و مەزهەبی وەك نەوایەكی ئارام  هەرێمی كوردستان بكەن بە شوێنی نیشتەجێبوونیان، ئەمە بە دڵنیاییەوە  لە داھاتوودا كاریگەریی زیاتری دەبێت لە بەرەوپێشچوونی پەیوەندییەكانی نێوان ھەولێری پایتەختی هەرێمی كوردستان  و وڵاتانی ڕۆژئاوا و پاڵپشتیی زیاتر بۆ هەرێمی كوردستان  فەراھەم دەكات.





ئەم هەواڵە 7045جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad