English | عربی | Kurdî دواهەواڵ
ڕاستەوخۆ  
 
هەلوەشانەوەی سەردانەکەی روحانی بۆ بەغدا
2016-03-31 [11:55 AM]


نیاز حاجی 

بریار بوو هەفتەی رابردوو روحانی سەردانی عێراق بکات ، سەردانەکە هەلوەشایەوە ، وا راگەیەنرا کە هۆکارەکە ئەمنیە ، بەر لە سێ هەفتەش جۆن کێری بریار بوو سەدانی بەغدا بکات، ئەویش سەردانەکەی ئەنجام نەدا و هەڵی وەشاندەوە .

وەک دیارە کابینەی عەبادی لە قەیرانێکی قولدایە ، مانگرتن و خۆپیشاندانەکانی صەدر و شکستی کابینەکەی عەبادی لە گشت بوارەکاندا دۆخێکی ئاڵۆزیان لەبەغدا خولقاندوە ، عەبادی تا ئەمرۆش سەرکەوتوو نەبووە لە رازیکردنی لایەنەکان بۆ گۆرانکاری یان راگەیاندنی کابینەی نوێ .

دوو ساڵ لەمەوبەر کاتێک عەبادی کابینەکەی راگەیاند ، ئەمریکا و ئێران و نەتەوە یەکگرتوەکان راستەوخۆ لەسەر هێڵ بوون ، گوشاری زۆر لەسەر کوردیش هەبوو بۆ بەشداری کردن ، ئەوەبوو بارزانی بریاری بەشداری کردنی خستە بەردەم سەرجەم لایەنەکان و نەوشێروان مستەفا سەرپەرشتی کردنی ئەو بابەتەی پێسپێردرا، ئەوەبوو بریار درا کورد بەشداری بکات بەو مەرجەی دوای ۳ مانگ عەبادی کێشەکانی لەگەڵ هەرێم چارەسەر بکات .

ئەم جارە بۆ راگەیاندن یان گۆرانکاری لە کابینەی حکومەت ،هیچ هەست بە گوشاری ئەمریکا ناکرێت ، کوردیش هیچ گوشارێکی لەسەر نیە بۆ بەشداری کردن یان نەکردن ، بارزانیش رایگەیاند کە ئەوەی لەبەغدا رودەدات بەلامانەوە گرنگ نیە و بنەمای شەراکەت نەماوە . دیارە ئێرانیش باش لەو سیگنالەی ئەمریکا گەیشتوە بۆیە سەردانی روحانی لەم دۆخەدا بە گونجاو نەزانیوە نەوەک تۆماتبار بکرێت بەدەست تێوەردان لە پێکهێنانی کابینەی نوێی عەبادی .

عەبادی دوای ئەوەی سەلماندی کە لاوازترین سەرۆک وەزیرانە ، ئێستا تەنها لە گۆرەپانەکە جێهێڵراوە ، ئەوەی کە دیارە راستەوخۆ نە لەلایەن ئەمریکا و نە لەلایەن ئێرانەوە پشتگیری لێ ناکرێت ، هیچ نێردراوێک لەلایەن ئەمریکا نەنێردراوە ، باڵوێزەکەشی هیچ جموجۆڵێکی لەو روەوە نیە ، پێدەچی ئێرانیش بە ئاشکرا نەوێرێت دەستێوەردان بکات چونکە لە بەرامبەریدا باڵوێزێکی بەهێزی سعودیە هەیە .

عێراق ئێستا لە دۆخێک دایە کە دەرگا بەروی سەرجەم ئەگەرەکان کراوەن ، هەنگاوەکان بەرەو ئاڵۆزبونی دۆخەکە دەرۆن ، ئەو بریارەی سەرکردایەتی کورد داویەتی گونجاوترین بریارە ، یەکگرتویی کوردیش لە بەغدا جێگای ئومێد و دڵخۆشیە .





ئەم هەواڵە 3229جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad