English | عربی | Kurdî دواهەواڵ
ڕاستەوخۆ  
 
لیژنه‌ی كشتوكاڵ: دوازده‌ به‌نداو له‌ هه‌رێمی كوردستان پاره‌ی بۆ ته‌رخان كراوه‌
2021-07-29 [12:50 PM]

ZNA - هه‌ولێر


 

لیژنه‌ى کشتوکاڵ لە پەرله‌مانى کوردستان باسی له‌وه‌ كرد، بۆ دروستكردنی شه‌ش به‌نداوى نوێ ئه‌نجومه‌نى وه‌زیران بڕى 13 ملیار دینارى ته‌رخان کردووه‌، باسی له‌وه‌ش كرد، به‌ ڕاپۆرتێک زیانه‌کانى وشکه‌ساڵى له‌و ده‌ڤه‌ری گه‌رمیان گه‌یه‌نرایه‌ وه‌زاره‌تى کشتوکاڵ و له‌وێشه‌وه‌ بۆ ئه‌نجومه‌نى وه‌زیران، بۆیه‌ به‌شێکى ئه‌و پاره‌یه‌‌ تایبه‌ت ده‌بێت به‌ ئیداره‌ى گه‌رمیان و به‌شێک له‌و به‌نداوانه‌ى پێ ته‌واو ده‌کرێت که ‌به‌ هۆى قه‌یرانى داراییه‌وه‌ کارکردن تێیاندا ڕاگیرابوو.

بڕیارده‌رى لیژنه‌ى کشتوکاڵ لە پەرله‌مانى کوردستان سه‌فین گه‌ردى، ڕايگه‌یاند، دواى ئه‌وه‌ى ئه‌مساڵ بڕیارى دروستکردنى 12 به‌نداو بۆ که‌مکردنه‌وه‌ێ دیارده‌ى وشکه‌ساڵى و کاریگه‌رییه‌کانى له‌ هه‌رێمى کوردستان بڕیارى له‌سه‌ر درا، له‌ ئێستادا ئه‌نجومه‌نى وه‌زیران بڕى 13 ملیار دینارى ته‌رخان کردووه‌، که ‌به‌م بڕه‌ شه‌ش به‌نداوى نوێ دروست ده‌کرێن و ئه‌وانى دیکه‌ش کارکردن تێیاندا ده‌ست پێده‌کاته‌وه‌.

وتیشی، وه‌ک ئاشکرایه‌ دیارده‌ى وشکه‌ساڵى ڕووبه‌ڕووى هه‌رێمى کوردستان بووه‌وه،‌ به ‌تایبه‌ت لە ناوچه‌کانى گه‌رمیان زۆر به ‌ڕوونى کاریگه‌ریى خراپى له‌سه‌ر به‌روبوومى کشتوکاڵى به‌جێهێشت، به ‌شێوه‌یه‌ک نزیکەی‌ 100 دۆنم زه‌ویی چێنراو به‌ به‌روبوومى دانه‌وێڵه‌ زیانیان به‌رکه‌وت، بۆیه‌ دواى ئه‌وه‌ى له‌ ڕێگه‌ى به‌رپرسانى ئیداره‌ى گه‌رمیان به‌ ڕاپۆرتێک زیانه‌کانى وشکه‌ساڵى له‌و ده‌ڤه‌ره‌ گه‌یه‌نرایه‌ وه‌زاره‌تى کشتوکاڵ و له‌وێشه‌وه‌ بۆ ئه‌نجومه‌نى وه‌زیران، بۆیه‌ به‌شێکى ئه‌و پاره‌یه‌ى ته‌رخان کراوه،‌ تایبه‌ت ده‌بێت به‌ ئیداره‌ى گه‌رمیان و به‌شێک له‌و به‌نداوانه‌ى پێ ته‌واو ده‌کرێت که ‌به‌ هۆى قه‌یرانى داراییه‌وه‌ کارکردن تێیاندا ڕاگیرابوو.

سه‌فین گه‌ردى ئه‌وه‌ی خسته‌روو، له‌ ئێستادا کۆمه‌ڵێک به‌نداو له‌ سنوورى گه‌رمیان هەن،‌ که‌ ئه‌گه‌ر بێت و ته‌واو بکرێن، بێگومان کاریگه‌ریى گه‌وره‌ى له‌سه‌ر که‌مکردنه‌وه‌ى ئاسه‌وارى وشکه‌ساڵى له‌ سنووره‌که‌ ده‌بێت، له‌وانه‌ به‌نداوى به‌رده‌سوور و باوه‌نوور کە ئه‌گه‌ر له‌ کاتى خۆیدا ته‌واو بکرانا‌یه‌ و ڕانه‌گیرابان، ئه‌وا به‌و شێوه‌یه‌ ئاسه‌واره‌کانى وشکه‌ساڵى کاریگه‌رى له‌سه‌ر به‌رهه‌مى جووتیارانى سنووره‌که‌ نه‌ده‌بوو.

بڕیارده‌رى لیژنه‌ى کشتوکاڵ لە پەرله‌مانى کوردستان باسی له‌وه‌ش كرد، بێگومان وه‌ک لیژنه‌ى کشتوکاڵ له‌ هه‌‌وڵەکان به‌ره‌ده‌وام ده‌بین و به‌دواداچوون بۆ ئە‌و گرفتانه‌ ده‌که‌ین کە له ‌که‌رتى کشتوکاڵى ئیداره‌ى گه‌رمیان هه‌یه‌، به‌ تایبه‌ت بابه‌تى ته‌رخانکردنى بودجه‌یه‌کى تایبه‌ت بۆ وشکه‌ساڵى له ‌ناوچه‌که‌ و له‌ ئێستاشدا له‌گه‌ڵ لایه‌نه‌ په‌یوه‌ندیداره‌کان و ئه‌نجومه‌نى وه‌زیران له‌سه‌ر خه‌تین و گه‌شبینین که‌ له‌ ئاینده‌یه‌کى نزیکدا بڕیارى پێویست له‌و باره‌وه‌ بدرێت.

 

KDP.info





ئەم هەواڵە 691جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad