English | عربی | Kurdî دواهەواڵ
ڕاستەوخۆ  
 
پێنجەمین خولی فێستیڤاڵی فیلم و فەرهەنگی کوردی نیویۆرک بەڕێوەچوو
2021-09-13 [08:13 AM]

ZNA - تاران


پێنجەمین خولی فێستیڤاڵی فیلم و فەرهەنگی کوردی نیویۆرک بە نمایشی بەرهەمی هونەرمەندانی کورد و وڵاتانی جیهان لە شاری نیویۆرک  لە وڵاتی ئەمەریکا بەڕێوەچوو.

 

پێنجەمین خولی فێستیڤاڵی فیلم و فەرهەنگی کوردی نیویۆرک بە بەرپرسیاریی خەیاڵ قێرتێڵ دەرهێنەر و چالاکڤانی مافی مرۆڤی کورد و بە نمایشی بەرهەمی سینەماکارانی کورد و وڵاتانی جیهان، لە بەشە جۆراوجۆرەکانی فیلمە بڵیند و کورتی چیرۆکی، و ئەنیمەیشنی و بەڵگەفیلمە کورت و درێژەکان، پێشکەشکردنی کۆنسێرتی مۆسیقا، خوێندنەوەی شیعر، ناساندنی کتێب و وتووێژ لەگەڵ نووسەرەکانیان و بە رچاوگرتنی هەموو رێکارە تەندروستییەکان، بە شێوەی ئامادەبوون لە رۆژانی 19 و 20 و 21ی سپێتەمبەری 2021 لە هۆڵی سینەمایی ئانجلیکا لە بەڕێوەچوو.

 

فێستیڤاڵەکە لە لایەن خەیاڵ قێرتێڵ لە 2017 لە وڵاتی ئەمەریکا دامەزراوە تاکوو لەوە زیاتر، سینەمای کوردی و هەروەها فەرهەنگی رەسەنی کوردەواری بە خەڵکانی ئەمەریکا و وڵاتانی دیکەی جیهان بناسێنێت؛ چونکە میراتی کەلتووری کوردەکان مێژووییەکی کۆنی هەیە و دەبێت هەوڵی زیاتریی بۆ بدرێت تاکوو بە شێوەی بەربڵاو لە ئاستی جیهاندا بناسێندرێت.   

 

خولی ئەمساڵی فێستیڤاڵەکە بە تەرکیز لەسەر خەبات و بەرخۆدانی قارەمانانەی ئافرەتان و کچانی کۆبانێ لە بەرانبەر داعش، بۆ نمایشی بەرهەمە سینەمایی و ئەدەبییەکانی ژنانی کورد و هەروەها بەشداریی ئەوان لە ئاخاوتن سەبارەت بە مافی مرۆڤ، فێمێنیزم، ئەدەبیات و هەروەها رێکخستنی یەکسانی مافی کۆمەڵایەتی پلانی بۆ داندراوە کە بە پشتیوانی "ئەنجوومەنی یەکسانی بۆ کوردەکان" KFCF، نووسینگەی "رۆزا لۆگزامبۆرگ" لە نیویۆرک، ناوەندی "نیویۆرک  کێوێرکان"، ناوەندی کوردی لە وڵاتی ئوسترڵیا و هەروەها بە هاوبەشی "ئەنستیتۆی کوردی واشنتن"، چەندین کۆمپانیاکانی بڵاوکەرەوەی فیلم لەوانە: "کات"، "رێتاو" و "ئ ـ فلۆکس" و هەروەها نووسینگەی "فیلمی ئەڵمانیا" بۆ ماوەی سێ رۆژ لە وڵاتی ئەمەریکا بەڕێوەچوو. 

 

لە رێوڕەسمی دەستپێکی پێنجەمین خولی فێستیڤاڵی فیلم و فەرهەنگی کوردی نیویۆرک، ژەنیار و موزیکزانی کورد ئۆزان ئاکسوێی پسپۆڕی نەتەوەناسی لە کاتژمێر 18:20ی رۆژی هەینی 10ی سێپتەمبەری 2021 سەبارەت بە مۆسیقای کوردی هاتە ئاخاوتن و پاشان بە ئامێرەکەی خۆی چەندین پارچە موزیکی کوردی پێشکەش کرد. ئاکسوێی بەوپەڕیی لێهاتووییەوە چەندین ئامێر بە باشی دەژەنێت و دەنگێکی بەسەزیشی هەیە کە بەرهەمەکانی خۆی بە پێی دابوونەریتی مۆسیقای نەتەوەیی و ئایینی تورکیا، لەوانە: کوردەکان، ئەرمەنییەکان، لازەکان و عەلەوەییەکان پێشکەش دەکات و ئەوان بە هۆگرانی مۆسیقا لە وڵاتی ئەمەریکا و سەرتاسەری جیهان دەناسێنێت. 

 

لە درێژەی ئەم رێوڕەسمە و لە کاتژمێر 18:50 کۆڕیی ناساندنی کتێبی پڕفرۆشی "کچانی کۆبانێ" لە نووسینی خاتوو گەیل توماچ لێمون رۆژنامەنووسی ناوداری ئەمەریکی بەڕێوەچوو

 

فێستیڤاڵی فیلم و فەرهەنگی کوردی نیویۆرک بە بەرهەمی وێنەیی، ئەدەبی و مۆسیقایی خۆی سەبارەت بە نەتەوەی کورد یا ئەو بابەتانەی کە پەیوەندیی بەوانەوە هەیە کە لە لایەن هونەرمەندانی کورد و یا بیانی دەخوڵقێت و بە مەبەستی خستنەڕووی دابوونەریت، زمان، جلووبەرگ، ڕەسەنایەتی، ڕەنگ و هونەرە جۆراوجۆرەکانی کوردیی بۆ هۆگرانی و ناساندنی هەر چی زیاتر و بڵاوکردنەوە و رەنگدانەوەی ئەوان لە کۆمەڵگای جیهانی و هەروەها بەهێزکردنی و یەکێتی ئەوان و پەیوەندیی لەگەڵ نەتەوەکانی دیکەی دنیا بەڕێوەدەچێت.

 

ئەمساڵ بە خۆی بڵاوبوونەوەی پەتای ڤایرۆسی کۆڕۆنا و گرتنەبەریی رێکارە تەندروستییەکان لە بڵاوبوونەوەی کۆڤید ـ 19، فرۆشتنی بلیتەکانی پێنجەمین خولی فێستیڤاڵی فیلم و فەرهەنگی کوردی "نیویۆرک "؛ هەم لەبەر درگای ماڵەکان و هەمیش لە ناونیشانی ئەنتەڕنێتی لەبەردەستدا بوو.  بینەران بۆ بینینی بەرهەمەکانی ئەم ڕووداوە فەرهەنگی و هونەرییە، دەبوایە کارتی واکسینی خۆیان لە کاتی هاتنەژوورەوە بۆ ناو هۆڵی سینەمایی "ئانجلیکا" پێبێت، چونکە لە شاری نیۆیۆڕک، خەڵکی پێویستە کە بۆ بەشداریی لەو چالاکیانەی کە لە شوێنی سەرئاوەڵادا بەڕێوەدەچێت، لانی کەم یەکەمین دۆزی واکسینی خۆیان پێبێت.

 

مەنسوور جیهانی





ئەم هەواڵە 163جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad