English | عربی | Kurdî دواهەواڵ
ڕاستەوخۆ  
 
پزیشكێك هەنگاوەکانى رێگەگرتن لە توشبوونى منداڵان بە سكچوون و رشانەوە دەخاتەڕوو
2021-09-14 [09:42 AM]

ZNA —هەولێر


 پزیشكێكی پسپۆری منداڵان هۆکارەکانی سکچوون و ڕشانەوەى منداڵان و هاوکات هەنگاوەکانى رێگەگرتن لە توشبوونیان دەخاتەڕوو. د.پشدەر عەبدوڵا ئیسماعیل، پزیشكی پسپۆڕی نەخۆشیەكانی منداڵان و گەشەی منداڵان لەنووسینێكدا رایگەیاندووە، لە ئێستادا شەپۆلێكی سكچوون و ڕشانەوە بڵاوبووەتەوە لەناو منداڵاندا، هەموو ساڵێك لەگەڵ هاتنی وەرزی گەرمادا سكچوون و ڕشانەوە زۆر زیاد دەكات لەناو منداڵاندا ئەویش بەهۆی كاریگەری بەرزی پلەی گەرمایە كە لەوانەیە بەهۆی پیسبوونی سەرچاوەی ئاوو و خراپ هەڵگرتنی خۆراك لەناو پلەی گەرمی بەرزدا و گەشەكردنی هەندێك بەكتریا لەو پلە گەرمیەدا لەگەڵ وشكبوونەوەی منداڵ لە پلەی گەرمی بەرزداو كەمتر بەرگەگرتنی سكچوون و ڕشانەوە. ئەو پزیشکە چەند رێگەچارەیەكی بۆ رێگەگرتن لە تووشبوون بە سكچوون و ڕشانەوە خستۆتەڕوو ئەوانیش (هەموو ئاوێك بكوڵێنە ئینجا ساردی بكەرەوەو بۆ خواردنەوە بەكاری بهێنە، خواردن لەناو سەلاجە هەڵبگرە، سەوزە میوە پێش خواردنی جوان بشۆرەوە، زوو زوو دەستی منداڵەكەت بشۆ بەتایبەت دوای تەوالێت كردن، پاكوخاوێنی تەوالێت و حەمام زۆر گرنگە، بەكارنەهێنانی خاولی و پەرداخ و كەوچكی یەكتر، دووركەوتنەوە لەخواردنی دەرەوە بەتایبەت ئەوانەی سەر عەرەبانەكان، باش كوڵاندنی گۆشت و خواردنەكان). لە کۆتا خاڵدا ئەو پزیشکە پسپۆڕە دەڵێت "تکایە لەخۆتەوە دەرمان بەکارمەهێنن چونکە هۆکارەکان جیاوازن و چارەسەرەکانیشیان جیاوازن".





ئەم هەواڵە 286جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad