English | عربی | Kurdî دواهەواڵ
ڕاستەوخۆ  
 
متمانه‌ی جیهان به‌ روانگای نێچیرڤان بارزانی
2021-09-15 [05:00 AM]


 

نووسینی:  ئاریان فه‌ره‌ج
 

دوابه‌دوای سه‌ردانه‌كه‌ی سه‌رۆك ئه‌مانۆئیل ماكرۆن بۆ هه‌ولێر، هه‌ینی داهاتوو سه‌رۆك نێچیرڤان بارزانی له‌ له‌نده‌ن له‌گه‌ل سه‌رۆك وه‌زیران بۆریس جۆنسۆن كۆده‌بێته‌وه‌. جوڵه‌ دبلۆماسییه‌كانی پێشووتریشی له‌سه‌ر ئاسته‌كانی دیكه‌ی ناوچه‌كه‌ و جیهان و گفتوگۆكانی له‌گه‌ڵ سیاسه‌توان وكاربه‌ده‌ستانی عێراق، ئاماژه‌ دیاره‌كانی ئه‌و رۆڵ و نه‌خشه‌ن‌ كه‌ سه‌رۆكی هه‌رێم له‌سه‌ر ئاستی جیهان و ناوچه‌كه‌، هه‌ماهه‌نگ له‌گه‌ڵ كۆی وڵاتانی په‌یوه‌نددار و بایه‌خده‌ر به‌ عێراق و به‌ ده‌وروبه‌ره‌كه‌ی و به‌ رۆژهه‌ڵاتی ناوین، ده‌یبینێت.
بۆ عێراق و دراوسێكانی و ناوچه‌كه‌ش، دوای زه‌مه‌نێك له‌ ناسه‌قامگیری و بی چاره‌یی، ده‌بێ دید و نه‌خشه‌رێی دیكه‌ی چاره‌سه‌ر‌ بێنه‌ ئاراوه‌. ده‌بێ روانگه‌ی جدییتر و سوود وه‌رگرتوو له‌ هه‌ڵه‌كانی رابردوو و واقیعبین و چاره‌سه‌رخواز تاقیبكرێنه‌وه‌. ده‌نا جیهان ده‌بێ تا ئه‌به‌د له‌گه‌ڵ ئه‌م ناوچه‌یه‌ وه‌ك سه‌رچاوه‌ی مه‌ترسی بۆ سه‌ر ئه‌منیه‌ت و به‌رژه‌وه‌ندیی هه‌موان و شه‌پۆلی كۆچ و مه‌ینه‌تی و ته‌نانه‌ت شكستی دیموكراسی، به‌رخورد بكات.
ده‌مێكه‌ كاتی هاتووه‌ له‌ دیدێكی چاره‌سه‌رخوازانه‌ی عه‌قڵانییه‌وه‌، له‌ جیاتی به‌ریه‌ككه‌وتن و نكۆڵی و رێگریی له‌یه‌كتر، ئه‌م ناوچه‌یه‌ ببێته‌ خاڵی به‌یه‌كگه‌یشتن و ته‌كامولی به‌رژه‌وه‌ندی و لێكنزیكبونه‌وه‌ی ئیراده‌ سه‌نگه‌ر له‌یه‌كگرتووه‌كان. گه‌ر ده‌نگ و وویستی عه‌قڵ زاڵ بێت، عێراقی دوای داعش ده‌كرێ ببێته‌ گه‌وره‌ترین وه‌رشه‌ی بنیاتنانه‌وه‌ی وێرانییه‌كانی دوای شه‌ڕ و فه‌راهه‌مبوونی هه‌ل و فورسه‌تی سه‌رمایه‌گوزاری و گه‌شه‌ی ئابوری كه‌ هه‌م به‌ خێری عێراق و هه‌م به‌ قازانجی هه‌موو لایه‌ك بشكێته‌وه‌. ده‌كرێ عێراق له‌ گۆڕه‌پانی ته‌سفییه‌ی حسابات و شه‌ڕگه‌ی به ‌وه‌كاله‌ته‌وه‌، ببێته‌ مه‌یدانی كار و سه‌رمایه‌گوزاری و چنینه‌وه‌ی سوود و ئاڵوگۆڕی به‌رژه‌وه‌ندیی ئابوری هه‌مه‌لایه‌نه‌.
بۆ به‌دیهێنانی ئه‌م ئامانجه‌، ده‌بێ زه‌مینه و پشتیوانیی بۆ روانگای كاره‌كته‌ره‌ میانه‌ڕه‌و و دانوستانخواز و ئاینده‌بینه‌كان فه‌راهه‌م ببێت، ئه‌و سیاسه‌توانانه‌ به‌ سه‌نگه‌وه‌ بێنه‌ مه‌یدان كه‌ كه‌متر بۆ رابردوو و زیاتر بۆ ئاینده‌ و ئاینده‌سازی ده‌ڕوانن كه‌ به‌ هه‌ڵسه‌نگاندنی جیهانییان‌ بۆ روانگا و دنیابینیی سیاسه‌توانانی ناوچه‌كه‌، نێچیرڤان بارزانی یه‌كێكیانه‌.
جوڵه‌ دیبلۆماسییه‌كانی سه‌رۆكی هه‌رێم و پێشوازی لێكردن و راوێژپێكردنی و هاوبه‌شیپێكردنی له‌سه‌ر به‌رزترین ئاسته‌كانی جیهان، ئاماژه‌ن بۆ ئه‌و متمانه‌ و باوه‌ڕه‌ی كه‌ به‌ كاره‌كته‌ر و روانگه‌ و دونیابینییه‌كه‌ی هه‌یه‌ له‌ راسته‌ڕیكردنه‌وه‌ی دۆخی عێراق له‌ چوارچێوه‌ی ستراكچه‌رێكی نوێی ئاسانكار له‌ ناوچه‌كه‌دا. 
له‌ دیدی نێچیرڤان بارزانیدا كێشه‌كانی هه‌ولێر- به‌غدا به‌ لێكگه‌یشتن، گرفته‌كانی عێراقیش به‌ دروستكردنه‌وه‌ی ئومێد و ده‌رفه‌ت و باوه‌ر بۆ عێراقییه‌كان و به‌ پێكه‌وه‌گرێدانه‌وه‌ی به‌رژه‌وه‌ندی و ئیراده‌ به‌ریه‌ككه‌وتووه‌كانی ووڵاتانی ناوچه‌كه‌ به‌ موباره‌كه‌ی نێوده‌وڵه‌تی دێته‌دی، ئه‌م تێڕوانینه‌ قوڵ و حه‌كیمانه‌یه‌ كه‌ جوڵه‌ دیبلۆماسییه‌كانی نێچیرڤان بارزانی به‌ هه‌ولێر و به‌غدا و به‌ پاریس و له‌نده‌ن و واشنتۆن و به‌ پایته‌ختی ووڵاتانی جیران و ده‌وروبه‌ردا پێكه‌وه‌گرێده‌دات، له‌ دواجاردا ده‌رخه‌ری ئه‌و راستییه‌‌ ئومێدبه‌خشه‌یه‌ كه‌ كوردستان له‌م پرۆسه‌یه‌دا گوێلێگیراو و راوێژپێكراو و رۆڵ بین و خاوه‌ن نه‌خشه‌ و له‌ كۆتاییشدا سوودمه‌نده‌.





ئەم هەواڵە 4729جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad