English | عربی | Kurdî دواهەواڵ
ڕاستەوخۆ  
 
دوای پەیوەندییە تەلەفۆنییەکەی نێوان مەسرور بارزانی و کازمی دەستگیرکراوانی کەرکووک ئازاد کران
2021-10-13 [02:45 AM]

ZNA- ھەولێر 



لەدوای پەیوەندییە تەلەفۆنییەکەی سەرۆکوەزیرانی ھەرێمی کوردستان لەگەڵ سەرۆکوەزیرانی عێراق ھێزەکانی سەر بە سوپای عێراق کشانەوە و  دەستگیرکراونیش ئازاد کران.

ئەمڕۆ چوارشەممە ١٣ـی تشرینی یەکەمی ٢٠٢١، سەرۆکوەزیرانی ھەرێمی کوردستان و سەرۆکوەزیرانی عێراق پەیوەندییەکی تەلەفۆنیان ئەنجامدا و ھەردوولا ھاوڕابوون لە ئاساییکردنەوەی دۆخی کەرکووک و ڕێگە نەدان بە پشێوی لە پارێزگەکەدا.

مستەفا کازمی سەرۆکوەزیرانی عێراق ھەر لە پەیوەندییە تەلەفۆنییەکەدا بە مەسرور بارزانی ڕاگەیاند بڕیاری ئازادکردنی دەستگیرکراوانی کەرکووک دەدات و دۆخەکە ئاسایی دەکەنەوە.

بەپێی زانیارییەکانی ماڵپەڕی کوردستان تیڤی، کەمێک بەر لە ئێستا ھێزە ئەمنییەکان لە کەرکووک دەرچوون و ھەروەھا دەستگیرکراوان ئازاد کراون.

ھەر بەپێی زانیارییەکان، ئێستا دۆخی گەڕەکی شۆریجە و ڕەحیماوەش ئاسایی بوونەتەوە.

جێی باسە، شەوی ڕابردوو لەکاتی ئاھەنگێرانی ئەندام و لایەنگرانی پارتی دیموکراتی کوردستان بەبۆنەی سەرکەوتنیان لە ھەڵبژاردن، چەند گێرەشێوێنێک کە کادیر و ئەندامی دەزگای ئەمنی لایەنێکی دیکە بوون خۆیان خزاندە نێو ئاھەنگە بەمەبەستی دروستکردنی ئاژاوە و پشێوی چەکیان بەرامبەر بە خەڵکی مەدەنی و ھێزەکان بەکارھێنا، ئەمەش بووە ھۆکاری ئەوەی سەدان گەنجی بێ تاوان دەستگیر بکرێن.  





ئەم هەواڵە 856جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad