English | عربی | Kurdî دواهەواڵ
ڕاستەوخۆ  
 
وەزارەتی تەندروستیی عێراق: شەپۆلی چوارەمی کۆرۆنا مەترسیدارتر دەبێت
2021-10-19 [12:52 PM]

ZNA:هەولێر


بەڕێوەبەری پەرەپێدانی تەندروستی لە وەزارەتی تەندروستیی عێراق رایگەیاند جیهان چاوەڕوانی شەپۆلی چوارەمی بڵاوبوونەوەی ڤایرۆسی کۆرۆنایە کە "مەترسیدارتر" دەبێت و دەڵێت: "رێژەی وەرگرتنی ڤاکسینی کۆرۆنا لە عێراقدا گەیشتووەتە 15٪".
 
ئەمڕۆ سێشەممە 19ی ئۆکتۆبەری 2021، د. هەیسەم ئەلعوبەیدی، بەڕێوەبەری پەرەپێدانی تەندروستی لە وەزارەتی تەندروستیی عێراق راگەیاند: "رێژەی بڵاوبوونەوەی ڤایرۆسی کۆرۆنا لەعێراقدا هێشتا بەرزە، چونکە خەڵک پابەندی رێنماییەکان نابێت و گوێ بە خۆپارێزی و بەستنی ماسک و دوورکەتنەوە لە قەرەباڵخی نادات، ئەوە جگە لەوەی هێشتا وەرگرتنی ڤاکسین وەکو پێویست نییە".
 
د. هەیسەم ئەلعوبەیدی گوتیشی: "بەداخەوە بەشێکی خەڵکی عێراق باوەڕیان بەوەرگرتنی ڤاکسین نییە، کە ئەمە کێشەیەکی زۆری بۆ دروستکردووین، هەرچەندە لە ماوەی دوو مانگی رابردوودا رێژەی وەرگرتنی ڤاکسین زیادی کردووە".
 
د. هەیسەم ئەلعوبەیدی، بەڕێوەبەری پەرەپێدانی تەندروستی لە وەزارەتی تەندروستیی عێراق، ئاماژەی بۆ ئەوەشکرد کە تەنیا وەرگرتنی ڤاکسین دەتوانێت خەڵک لە شەپۆلی تووندی چوارەمی کۆرۆنا بپارێزێت و گوتی : "ئێستا رێژەیەکی زۆری ڤاکسینی کۆرۆنا بەردەستە و سەنتەرەکانمان هەموو جۆرەکانی ڤاکسینی دانپێدانراوی هەیە و پێویستە پێش هاتنی وەرزی زستان خەڵک زیاتر روو لە وەرگرتنی ڤاکسین بکەن، چونکە بەمشێوەیە خۆیان لە شەپۆلی چوارەمی کۆرۆنا دەپارێزن".
 
وەزارەتی تەندروستیی عێراق لە راگەیێندراوێکدا رایگەیاند لەگەڵ دەستپێکردنەوەی خوێندنی زانکۆیی بۆ ساڵی 2021-2022 پێویستە قوتابیان و مامۆستایان و فەرمانبەرانی وەزارەتی خوێندنی باڵا ڤاکسین وەربگرن و هەر کەسێک ڤاکسین وەرنەگرێت لە قوتابیان و مامۆستایان و فەرمانبەرانی زانکۆ حکومی و ناحکومییەکان ئەوا رێگەی پێنادرێت دەوام بکات.
  
بەپێی ئامارە فەرمییەکانی عێراق، تاوەکو رۆژی 18ی ئۆکتۆبەری 2021، ژمارەی ئەو کەسانەی تووشی ڤایرۆسی کۆرۆنا بوون 2 ملیۆن و 37 هەزار و 12 کەس بوون، لەو ژمارەیە 22 هەزار و 725 کەسیان گیانییان لەدەستداوە.
 
هەروەها ژمارەی ئەو کەسانەی ڤاکسینی کۆرۆنایان وەرگرتووە، گەیشتووەتە پێنج ملیۆن و 32 هەزار و 795 کەس.

RUDAW





ئەم هەواڵە 1228جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad