English | عربی | Kurdî دواهەواڵ
ڕاستەوخۆ  
 
سعودیە 1.5 ملیار دۆلار بۆ رووبەڕووبوونەوەی گۆڕانی کەشوهەوا تەرخاندەکات
2021-10-27 [08:40 AM]

ZNA:هەولێر


محەممەد بن سەلمان، شازادەی جێنشینی سعودیە بەڵێنی دا بە پێدانی ملیارێك و 500 ملیۆن دۆلاری ئەمریکی بۆ رووبەڕووبوونەوەی گۆڕانی کەشوهەوا.
 
لە چوارچێوەی دەستپێشخەرییەکی ژینگەیی تایبەتیدا و لە سەروبەندی بەڕێوەچوونی کۆڕبەندی لووتکەی "رۆژهەڵاتی نێوەڕاستی سەوز" لە ریازی پایتەختی سعودیە،  محەممەد بن سەلمان بەڵێنیدا بە پێشکێشکردنی نزیکەی 1.5 ملیار دۆلار وەک هەوڵێک بۆ کەمکردنەوەی لێکەوتە کارەساتبارەکانی گۆڕانی کەشوهەوا.
 
محەممەد بن سەلمان دامەزراندنی سندوقی وەبەرهێنانی تایبەت بە کەشوهەوای رایگەیاند، کە تێیدا پارە دادەنرێت بۆ دۆزینەوەی تەکنەلۆژیای تایبەت بە رووبەڕووبوونەوەی گۆڕانی کەشوهەوا بەتایبەتی تەکنەلۆژیای ناسراو بە "ئابووری سووڕاوەی کاربۆن"، کە دواجار دەبێتەهۆی بەرهەمهێنانی وزەی پاک.
 
بە گوتەی محەممەد بن سەلمان کۆی سامانی سندوقەکە 10.4 ملیار دۆلار دەبێت و سعودیە لە 15٪ی ئەو بڕە پارەیە دابیندەکات، کە دەکاتە 1.5 ملیار دۆلار. راشیگەیاند، ئەو بڕە پارەیە وزەی پاک بۆ سەرووی 750 ملیۆن کەس لە سەرانسەری جیهان دابیندەکات.
 
دوو رۆژ لەمەوبەر و لە "دەستپێشخەری ژینگەی سەوز"ی حکومەتی سعودیە، محەمەد بن سەلمان رایگەیاند سعودیە تاوەکو ساڵی 2030 دەردانی گازە کاربۆنییەکان ساڵانە بە بڕی 278 ملیۆن تۆن کەمدەکاتەوە و بۆ ساڵی 2060 دەردانی گازە ژەهراوییەکان دەگەیێنێتە سفر.





ئەم هەواڵە 1231جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad