English | عربی | Kurdî دواهەواڵ
ڕاستەوخۆ  
 
لە ساڵی داهاتووەوە هاووڵاتی لە ئیتاڵیا ناتوانێت مانگانە هەزار یۆرۆ زیاتر بە کاش خەرج بکات
2021-11-21 [10:11 AM]

ZNA:هەولێر


حکومەتی ئیتاڵیا خەرجکردنی پارە بەشێوەی کاش لە وڵاتەکەیدا سنووردار دەکات و ئامانجێکی سەرەکیش لە هەنگاوەکەی ئەوەیە خۆدزینەوە لە باجدان کەمبکاتەوە. 
 
بە گوێرەی ئەو پلانەی حکومەتی ئیتاڵیا دەیەوێت جێبەجێی بکات، لە 1ـی کانوونی دووەمی 2022ـەوە خەرجکردنی پارە بەشێوەی کاش لەو وڵاتەدا بەجۆرێک سنووردار دەکرێت کە هەر هاووڵاتییەک ناتوانێت هەزار یۆرۆ یان زیاتر خەرج بکات. 
 
حکومەت جەخت لە جێبەجێکردنی پلانەکەی دەکاتەوە و ئاماژە بەوەش دەکات، ئەگەر رێز لەو بڕیارەی نەگیرێت و هەموو لایەک پێوەی پابەند نەبێت، ئەو کاتە کەس و لایەنی سەرپێچیکار بە بڕێک پارە سزا دەدرێت کە دەکرێت بگاتە 50 هەزار یۆرۆ.
 
هەوڵدان بۆ جێبەجێکردنی ئەو پلانە لەکاتێکدایە، هەر ئێستاش هاووڵاتیی ئیتاڵیا لە هەندێک ناوچە مافی ئەوەی نییە زیاتر لە دوو هەزار یۆرۆ بەشێوەی کاش بەکاربهێنێت، بەتایبەتی لەو ناوچەیەی کە دەکەوێتە سنووری نەمسا. 
 
لەسەر بنچینەی ئەو بڕیارە، ئەو هاووڵاتی و لایەنەی کە پێویست بەوە بکات زیاتر لە هەزار یۆرۆ بەکاربهێنێت، دەبێت سوود لە گواستنەوەی بانکی یان کارت وەربگرێت. 

یەکێک لە سەرەکیترینی ئەو هۆکارانەی وایکردووە حکومەتی ئیتاڵیا ئەو بڕیارە بدات ئەوەیە کە خۆدزینەوە لە باجدان و سپیکردنەوەی پارە سنووردار بکات، کە لەو وڵاتە ئەوروپییەدا زۆرە. 
 
ژمارەیەک لە حیزب و دامەزراوەکان دەستخۆشی لە هەنگاوەکەی حکومەت دەکەن، بەڵام کەم نین ئەو رەخنانەش لە ماریۆ دراگی، سەرۆکوەزیرانی وڵات دەگیرێن. رەخنەگران دەڵێن، جێبەجێکردنی پلانەکە واتای ئەوەیە ئازادیی تاکەکەسی دەکەوێتە مەترسییەوە، چونکە چاودێریکردنی جموجوڵی ئابووریی هەر هاووڵاتییەک لە سیستمی ئەلیکترۆنیدا کارێکی ئەستەم نییە. 
 
ئابووریی ئیتاڵیا لە ماوەی چەند دەیەی رابردوودا پێشکەوتنی زۆری بەخۆوە بینیوە؛ ئابووریی ئەو وڵاتە بەشێوەیەکی سەرەکی پشت بە پیشەسازییە ئەندازیارییەکان دەبەستێت، بەڵام نەبوونی سەرچاوەی وزە و ماددەی خاویش بە خاڵی لاوازی ئابووریی ئەو وڵاتە هەژماردەکرێن. 
 
خۆدزینەوە لە باجیش بە یەکێک لە گەورەترین کێشەکانی بەردەم ئابووریی نیشتمانیی ئەو وڵاتە دادەندرێت. بە گوێرەی ئامارە نافەرمییەکان، 56.3٪ـی خەڵک باج نادەن یان ئەو بڕە نادەن کە لەسەریان پێویستە و هەربۆیە حکومەت مەبەستیەتی ئەو کێشەیە چارەسەر بکات.





ئەم هەواڵە 583جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad