2021-12-07 [11:22 AM]

لە گەلەری هونەری سەندیکای هونەرمەندان، لقی هەولێری سەندیکای هونەرمەندانی کوردستان، پێشانگەیەکی هاوبەشی مامۆستایانی پەیمانگەی هونەرە جوانەکانی کردەووە و ژمارەیەک تابلۆی رەنگاوڕەنگ نمایش کران.

پێشانگەکە دوێنێ دووشەممە، بە ئامادەبوونی فەرهەنگ غەفوور بەڕێوەبەری گشتی رۆشنبیری و هونەری هەولێر، هیوا سوعاد سەرۆکی لقی هەولێری سەندیکای هونەرمەندانی کوردستان و ژمارەیەک لە مامۆستایان و هونەرمەندان بەڕێوەچوو.

هەر لەو چالاکییەدا، یادی رزگار فەقێ عەولا هونەرمەند و مامۆستای پەیمانگاکە کرایەوە، کە ماوەیەک بەر لە ئێستا بە کۆرۆنا کۆچی دوایی کرد.

فۆتۆ: سەردار قادر