English | عربی | Kurdî دواهەواڵ
ڕاستەوخۆ  
 
نیوزیلاند پلانێک بۆ قەدەخەکردنی یەکجارەکی جگەرەکێشان رادەگەیێنێت
2021-12-10 [08:32 AM]

ZNA:هەولێر


حکومەتی نیوزیلاند چەند پلانێک رادەگەیێنێت کە بە یاسا لە ساڵی 2027 ـەوە تەمەنی قەدەخەکراو بۆ کڕین و کێشانی جگەرە ساڵانە یەک ساڵی تەمەن بەرزدەبێتەوە تاوەکو بەیەکجاری قەدەخە دەکرێت. بڕیارەکە ساڵی داهاتوو جێبەجێ دەکرێت. ئەمەش مانای ئەوەیە تاوەکو 65 ساڵی دیکە تەنیا ئەوانەی تەمەنیان سەروو 80 ساڵانە دەتوانن جگەرە بکڕن.
 
رۆژی پێنجشەممە 9-12-2021 ئایشە ڤێراڵ، یاریدەدری وەزیری تەندروستیی نیوزیلاند رایگەیاند، لە ساڵی 2027 ـەوە تەمەنی قەدەخەکراو بۆ کڕین و کێشانی جگەرە ساڵانە یەک ساڵی تەمەن بەرزدەبێتەوە. 
 
ئایشە گوتیشی: "دەمانەوێت دڵنیاببینەوە کە خەڵکی لە سەرەتاوە دەست بە جگەرەکێشان ناکەن.. کاتێک بەتەمەندا دەچن، ئەوان و نەوەکانی داهاتوو هەرگیز توانای کڕینی تووتنیان نابێت، راستیەکە ئەوەیە کە هیچ تەمەنێک گونجاو نییە بۆ جگەرەکێشان". 
 
دەشڵێت کە حکومەت بە یاسا ئەو شوێنانە قەدەخەدەکات کە تووتن و جگەرەیان تێدا دەفرۆشرێت و تەنیا رێگە بەو بەرهەمانە دەدات کە ئاستی نیکۆتینەکەیان کەمە، ئەمەش بۆ ئەوەی ئەگەری ئاڵوودەبوونی هاوڵاتیان کەمبکەنەوە. 
 
ئایشە لەبارەی ئەزموونی رابردووی وڵاتەکە دەشڵیت، قەدەخەکردنی جگەرە لە سپۆنسەرکردنی وەرزش  لە ساڵی 1990 و قەدەخەکردنی لە زیندان لە ساڵی 2004 ئەنجامی باشی هەبووە. 
 
هاوکات گوتی کە: "ئەمڕۆ رۆژێکی مێژوویی یە بۆ تەندرووستیی گەلەکەمان". دەشڵێت دەیانەوێت تاوەکو ساڵی 2025 رێژەی جگەرەکێشان لە 13.5٪ بۆ 5٪ داببەزێنن. 
 
جگەرەکێشان لە نیوزیلاند ئەگەرێکی سەرەکی مردنە بەجۆرێک لە هەر چوار کەیسی شێرپەنجە یەکێکیان بەهۆی جگەرەوە تووشدەبێت و ساڵانە 4 بۆ 5 هەزار کەس لە نیوزیلاند بەهۆی نەخۆشییەکانی پەیوەست بە جگەرەکێشان دەمرن. 





ئەم هەواڵە 787جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad