 |
|
|||
ZNA - هه‌ولێر
رێکخراوی تەندروستیی جیھانی (WHO)، ئەوەی راگەیاند کە پێشکەوتنی بەڵگەکان ئەوە دەردەخەن کە كاريگەريى ڤاکسینەکانی ڤایرۆسی کۆرۆنا، لە بەرامبەر نەخۆشیە قورسەکان و مردن تۆزێك كەمبووەتەوە و لە بەرامبەر نەخۆشییە سووکەکان (مامناوەندەکان) یان خۆپاراستن لە گواستنەوە كەمبوونەوەيەكى تەواو هەيە. بەڕێوەبەری گشتیی WHO، تیدۆرس ئادناھۆم گیبریسوس، لە میانی کۆنگریەکی رۆژنامەوانیدا کە لە ناوەندی رێکخراوەکە لە شاری جنێڤ بەڕێوەچوو، گوتی: "لە ئێستادا لە ٧٧ وڵاتدا حاڵەتی تووشبوون بە جۆری ئۆمیکرۆن تۆمارکراوە و راستیەکەش ئەوەیە کە ئەگەر تاکو ئێستا دەستنیشانیش نەکرابێت ئەوە ئەگەری ھەیە ئۆمیکرۆن لە زۆربەی وڵاتەکاندا ھەبێت". گیبریسوس، گوتیشی: "ئۆمیکرۆن، بەشێوەیەک بڵاودەبێتەوە کە پێشتر لە ھیچ جۆرێکدا نەمانبینیوە". و جەختی لەوەش کردەوە کە مەترسیان لەوە ھەیە کە کەسەکان ئۆمیکرۆن بە "جۆرێکی سووک" سەیر بکەن. گیبریسوس، بانگەوازی وڵاتانی کرد کە بەو رێکارانەی کە ئێستا گرتوویانەتەبەر رێگە لە بڵاوبوونەوەی ئۆمیکرۆن بگرن و گوتی: "دەبێت زۆر روونبم؛ ڤاکسینەکان بەتەنھا ھیچ وڵاتێک لەم قەیرانە رزگار ناکات". گیبریسوس، باسی لە کاریگەریی ڤاکسینەکانی کۆرۆناشی کرد و گوتی:" پێشکەوتنی بەڵگەکان ئەوە دەردەخەن کە كاريگەريى ڤاکسینەکانی ڤایرۆسی کۆرۆنا، لە بەرامبەر نەخۆشیە قورسەکان و مردن تۆزێك كەمبووەتەوە و لە بەرامبەر نەخۆشییە سووکەکان (مامناوەندەکان) یان خۆپاراستن لە گواستنەوە كەمبوونەوەيەكى تەواو هەيە."
AA ئەم هەواڵە 571جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad