 |
|
|||
ZNA- هەولێر چوارچێوەی هاوئاهەنگیی شيعە داوای لە فراکسیۆنی سەدر کرد پێکەوە گەورەترین فراکسیۆن لە نێو پەرلەمانی نوێی عێراق پێکبهێنن، کە مافی پێکهێنانی حکومەتی نوێی دەبێت. لە راگەیێندراوەکەی چوارچێوەی هاوئاهەنگیدا هاتووە: لە کۆبوونەوەکەی دوێنێ هەینی لایەنەکانی نێو چوارچێوەکەدا "پرسی پێکهێنانی گەورەترین فراکسیۆن و رێڕەوی یەکەم کۆبوونەوەی پەرلەمان تاوتوێکران، چوارچێوەی هاوئاهەنگی جەختی کردەوە کە پێداگرە لەسەر پابەندبوون بە رێچکە یاسایی و دەستوورییەکان." چوارچێوەی هاوئاهەنگی شیعە گوتیشی: "داوا لە هەموو نوێنەرانی گەورەترین پێکهاتەی کۆمەڵایەتی دەکەین، بەتایبەت برایان لە فراکسیۆنی سەدری، گەورەترین فراکسیۆن پێکبهێنن بۆ پاراستنی ئەو شایستە دەستوورییە و سەقامگیریی پرۆسەی سیاسی". لە راگەیێندراوەکەدا ئەوەش هاتووە: "چوارچێوەی هاوئاهەنگی سوپاسی هەموو ئەو لایەنە نیشتمانییانە دەکات کە سووربوون لەسەر پاڵپشتیکردنی لێکتێگەیشتنەکان و بەشدارنەبوون لە ئاڵۆزکردنی دۆخەکە". ئەم هەواڵە 1099جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad