English | عربی | Kurdî دواهەواڵ
ڕاستەوخۆ  
 
"هیومن رایتس وۆچ" داوا لە دەسەڵاتدارانی عێراق دەکات پێشێلکارییەکانی مافی مرۆڤ چارەسەر بکات
2022-01-19 [09:05 AM]

ZNA- هەولێر


رێکخراوی "هیومن رایتس وۆچ" داوای لە دەسەڵاتدارانی عێراق کرد کە پێویستە هۆکارە سەرەکییەکانی پێشێلکاریی مافەکانی مرۆڤ لە رێگەی بەکارهێنانی بۆشایی لە هەندێ یاسا وەک "هەواڵدەری نهێنی" یان "ماددەی چواری تیرۆر" لەلایەن کەسانێکەوە بە مەبەستی یەکلاکردنەوەی کێشەی تایبەتی وەک قەسابخانەکەی جەبلە لە باکووری پارێزگای بابل چارەسەر بکات.

رێکخراوەکە ئەوەشی زیاد کرد، دوای بەدەستهێنانی زانیاری ناڕاست دەربارەی کەسێکی گومان لێکراو لە ناوچەی جەبلە هێزە ئەمنییەکانی هەڵیانکوتایە سەر ماڵی گومان لێکراوەکە و 20 کەسیان کوشت، بەڵام وەک هەمیشە دەسەڵاتدارانی عێراق لیژنەیەکیان پێکهێنا بۆ لێکۆڵینەوە لە رووداوەکە دواتر هیچ ئەنجامێکیشی نەبوو.

رێکخراوەکە روونیشی کردەوە، ئەو هەواڵدەرەی کە زانیاری ساختەی دا لەسەر قەسابخانەکەی جەبلە خودی خۆی کارمەندی پۆلیس بوو، ئەمەش زۆرێک لە مشتومڕ و نیگەرانی نایەوە دەربارەی خراپی بەکارهێنانی یاساکان و سیاسەتەکانی بەرەنگاربوونەوەی تیرۆر لەلایەن ئەوانەی کە راسپێردراون بۆ جێبەجێکردنی.

رێکخراوەکە رایگەیاند، هەندێ لە خەڵکی و خانەوادەکان پشتبەستنی هێزە ئەمنییەکان بە تۆمەتی ناپەسەند لەلایەن هەواڵدەرەکانەوە قۆستەوە بۆ یەکلاکردنەوەی کێشەی تایبەتی.





ئەم هەواڵە 676جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad