English | عربی | Kurdî دواهەواڵ
ڕاستەوخۆ  
 
میدیای نیشتیمانی
2016-04-22 [11:46 AM]

نووسینی: دکتۆر سەپان


بەمدواییانە لە کەنالەکانی ڕاگەیاندن، زۆر باس لە میدیای نیشتیمانی دەکرێ و من دەبینم، زۆر لەوانەی باس لەمجۆرە میدیایە دەکەن، خۆیان باش تێینەگەیشتوون.
میدیای نیشتمانی: میدیایەکی تەواو بێلایەنە و سەر بە ھیچ حزب، گروپ، ڕێکخراو یان کەسێک نییە و بودجەی لە ڕێگەی ئابۆنەی بینەر و بیسەرانەوە بۆ دابین دەکرێ و کەسانی بێلایەن (یان بێلایەنانە) بە ڕێوەی دەبەن و بەشێک لە بەرنامەکانیشی پەروەردەیین، جگە لەوە دەبی لەم میدیایە، نوێنەری ھەموو چین و توێژێکی کۆمەڵ (کەم ئەندام، نابینا، ئافرەتان، ھۆمۆ...ھتد) کار بکا و نووسین و بەرنامەکانیشی ڕەنگدانەوەی ژیانی توێژەکانی کۆمەڵبن... جگە لەم ئەنجومەنەی بۆ بەڕێوەبردنی دەستنیشان دەکرێ، کەس بۆی نییە دەستبخاتە نێوکاروباری ئەم میدیا نیشتیمانییە... 
میدیای نیشتیمانی لەگەڵ میدیای ئەھلی و حکومی جیاوازی زۆرە و لە زۆربەی وڵاتان، توانیویانە مونافەسەی کەنالە ئەھلییەکانیش بکەن. 
میدیای نیشتیمانی لە کوردستان جاری ھێشتا بیری لێنەکراوەتەوە و ئەگەر بە یاسایەک لەم نزیکانە داشیبمەزرێنن، گومانم ھەیە لەوەی بتوانن بەڕێوەی ببەن، چونکە لە دوا پەنجا ساڵ، میدیای حزبی لە کوردستان تەواو زاڵە و کەسانی بێلایەن بۆ بەگەڕخستنی دەستناکەون، بۆیە لەم کاتەدا، زەمینە بۆ لەدایکبوونی لەبارنییە چونکە، نە ئەوەندە رۆژنامەنووسی بێلایەن دەدۆزرێتەوە، نە ئەو شێف و بەرپرسانەش دەتوانن بێ قورمیشکردن کار بکەن... ھەبوونی زۆر پێویستە، بەڵام بەڕێوەبردنی لە دامەزراندنی جارێ زۆر گرانترە...





ئەم هەواڵە 14476جار خوێندراوەتەوە
 
 
ڤیدیۆ گەلەری
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
گەنجێک ئافرەتێک لە مردن رزگار دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad