 |
|
|||
ZNA - هه‌ولێر
شاندێکی باڵای ئەمنیی عێراق، بەمەبەستی ئاگاداربوون لە رەوشی ئەمنی قەزای شنگال رۆژئاوای پارێزگای نەینەوا گەیشتە شارەکە. بەپێی ئاژانسی ھەواڵیی فەرمی عێراق، فەرماندەیی ئۆپەراسیۆنە ھاوبەشەکانی عێراق بڵاوی کردەوە کە ئەمڕۆ سێشەممە ھەریەک لە سەرۆک ئەرکانی سوپا، فەریقی یەکەم روکن عەبدولئەمیر رەشید یارەڵڵا و جێگری فەرماندەی ئۆپەراسیۆنە ھاوبەشەکان، فەریقی یەکەم روکن عەبدولئەمیر شممەری بە یاوەری ژمارەیەک فەرماندەی سەربازی گەیشتوونەتە قەزای شنگال. باسی لەوەش کردووە کە ئامانج لە سەردانەکە، ئاگاداربوونە لە رەوشی ئەمنی قەزای شنگال. ئەوەیشی خستووەتەڕوو کە شاندەکە لە میانی سەردانەکەی بۆ قەزای شنگال، ھێزە سەربازییەکانی لە قەزاکەی بەسەرکردووەتەوە. ئەمەیش دوای ئەوە دێت دوو رۆژ لەمەوبەر لە ناحیەی سنونێ سەربە قەزای شنگال شەڕ و پێکدادان لەنێوان سوپای عێراق و چەکدارانی رێکخراوی تیرۆریستیی پەکەکە رووی دا. رۆژی نۆی تشرینی یەکەمی ساڵی 2020، حکوومەتی فیدراڵی و حکوومەتی ھەرێمی کوردستان لەسەر ئاساییکردنەوەی دۆخی شنگال و دروستکردنی ئیدارەیەکی نوێ بۆ قەزاکە رێککەوتن. بەپێی رێککەوتنەکە، ئیدارەیەکی ھاوبەش لەنێوان حکوومەتی فیدراڵی و حکوومەتی ھەرێم لە شنگال دروست دەکرێت و دۆسیەی ئەمنیی شارەکە بە پۆلیسی خۆجێی و پاراستنی دەرەوەی شارەکەش بە سوپای عێراق و پێشمەرگە دەسپێردرێت و سەرجەم گرووپە چەکدارییە نایاساییەکان دەچنە دەرەوەی سنووری قەزاکە. ئەم هەواڵە 925جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad