|
 |
|
|||
ZNA- هەولێر وەزیری بەرگریی ئەمریکا لە پەیوەندییەکی تەلەفۆنیدا لەگەڵ سێرگی شۆیگۆ، وەزیری بەرگریی رووسیا قسەی کردووە و داوای لێکردووە بە زووترین کات لە ئۆکراینا ئاگربەست رابگەیێنن. رۆژی هەینی 13-5-2022، پێنتاگۆن بڵاویکردەوە: "لۆید ئۆستن، وەزیری بەرگریی ئەمەریكا داوای لەهاوتا رووسیەكەی كردووە دەستبەجێ ئاگربەست لە ئۆکراینارابگەیێنێت، هاوکات جەختیشی لە هێشتنەوەی کەناڵی پەیوەندی لە نێوان مۆسکۆ و واشنتن کردۆتەوە". پەیوەندیی تەلەفۆنی نێوان وەزیرانی بەرگریی ئەمریکا و رووسیا لە کاتێکدایە، ئێستا جەنگی نێوان رووسیا و ئۆکراینا لە بەشی رۆژهەڵات و باشووری ئۆکراینا چڕبووەتەوە و سوپای هەردوو وڵات رووبەڕووی یەکتری بوونەتەوە. پێنتاگۆن بانگەشە بۆ ئەوە دەکات رووسیا تووشی شکستهاتووە لە بەدەستهێنانی ئەو ئامانجانەی لە پلانی جەنگەکەیدا داینابوو. ئەمە یەکەم پەیوەندیی تەلەفۆنیە لەنێوان وەزیرانی بەرگریی ئەمەریكا و رووسیا، لە دوای دەستپێکردنی هێرشەکانی رووسیا بۆ سەر ئۆکراینا. ئەم هەواڵە 133جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad