English | عربی | Kurdî دواهەواڵ
ڕاستەوخۆ  
 
وەزارەتی شارەوانی: ئاستی خزمەتگوزارییەكان لەو شارۆچكانە بەرزتر دەكه‌ینه‌وه‌
2022-05-17 [11:55 AM]

ZNA-هەولێر


وەزارەتی شارەوانی و گەشتوگوزارى حكوومه‌تى هه‌رێمى كوردستان، ڕەزامەندی دا بە خەرجكردنی نزیكەی 440 ملیۆن دینار بۆ جێبەجێكردنی 18 پڕۆژەی خزمەتگوزاری بە مەبەستی پەرەپێدانی زیاتری پرۆژە خزمەتگوزارییەكان و خزمەتكردنی هاووڵاتییان.

ئه‌مڕۆ وەزارەتی شارەوانی و گەشتوگوزار له‌ راگه‌یاندراوێكدا ئاماژه‌ به‌وه‌ ده‌دات: "ڕەزامەندی دراوه‌ بە خەرجكردنی گوژمەی نزیكەی 440 ملیۆن دینار بۆ جێبەجێكردنی 18 پرۆژەی خزمەتگوزاری لە شارۆچكەكانی دەوروبەری هەولێر".

باس له‌وه‌ش كراوه‌، ئەو گوژمەیە بە گوێرەی پلانی ساڵی 2022 و لەسەر ڕێژەی 15%ی داهاتی بەڕێوەبەرایەتیی گشتیی شارەوانییەكانی هەولێر، بە مەبەستی جێبەجێكردنی پڕۆژەی خزمەتگوزاری لە سنووری شارەوانییەكانی بەحركە، بنەسڵاوە، دارەتوو، قوشتەپە، بەستۆڕە، ڕزگاری، شاوێس، خەبات، شەمامك، كەورگۆسك، كەسنەزان، تەقتەق، مەلائۆمەر، پیرزین، ڕەواندز، پیرمام و شەقڵاوە، بەپێی یاسا و ڕێنوێنییه‌كان خەرج دەكرێت.

له به‌شێكی‌ دیكه‌ى ڕاگه‌یاندراوه‌كه‌دا ئه‌وه‌ش خراوه‌ته‌ ڕوو، پڕۆژەكان هەمەجۆرن و بوارەكانی كێربستۆن و دروستكردن و تەواوكردنی شەقام و كۆنكرێتكردنی كۆڵان و قیڕتاوكردن و نۆژەنكردنەوەی شەقام و چەند بابەتێكی دیكە دەگرێتەوە، بەهۆی ئەو پڕۆژانەوە ئاستی خزمەتگوزارییەكان لە سنووری ئەو شارۆچكانە بەرزتر دەبێتەوە.

 





ئەم هەواڵە 241جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad