English | عربی | Kurdî دواهەواڵ
ڕاستەوخۆ  
 
وەزیری بەرگری فەرەنسی، جان ئیف لۆ دریان : دەکرێت ئەمساڵ بە تەواوی داعش لەناوببرێت
2016-04-25 [01:13 AM]

نووسینی ئەسما ئیبراهیم


ەزیری بەرگری فەرەنسی ئاشکرای کرد کە ڕێکخراوی داعش ئەمساڵ لە %٢٢ تا %٤٠ ی ئەو زەویانەی لەدەستداوە کە داگیریکردبوون . بە گوێرەی ئەو لێدوانەی کە لە ڕۆژنامەی (لادیبش)دا هاتوە ،ڕێکخراوی داعش لە چەندین سەنگەردا لە پاشەکشەدایە ، بە تایبەت لە باکووری سووریا و ڕۆژئاوای عیراق (تکریت) و تەدمور . بە گوێرەی ئەو ڕاپۆرتانەی هاوپەیمانێتی نێودەوڵەتی دەریدەکات ،داعش لە زۆربەی ناوچەکان پاشەکشەی کردوە و ژمارەیەکی زۆری چەکدارەکانی لەدەستداون لە ماوەی دوو ساڵدا. ئەو دەولەتانەی لە دژی داعش دەجەنگن ،زیاتر پشت بە ئابڵووقەدانی ئەو ناوچانە دەبەستن کە داعش تێیدایە و دەروازەکانی هاوردەکردنی چەک و نەوت و ئاسەواریان لێدادەخەن ، ئەمەش دەبێتە هۆی نەهاتنی چەک و ئاستەنگ لە بەردەم دەرچوونی پارە لەو ناوچانە کە بوەتە هۆی خراپبوونی دۆخی ئابووری داعش. لۆدریان ،کە لەگەڵ سەرۆک ئۆرلاند بوو لە سەردانی لوبنان و ئەردەن و میسر،هانی هێزە هاوپەیمانیەکانی دا بۆ بەردەوامبوون لە کارەکانیان لە پێناو لەناوبردنی یەکجاری داعش و دانانی ڕێگا و ئامانجی ڕوون بۆ لەناوبردنی ئەم ڕێکخراوە تیرۆریستیە ، لۆدریان هێزی هاوپەیمانانی هان دا کە کار بکات بۆ ئامانجێکی دیاریکراو ئەویش ئازادکردنی رەقە و مووسڵ پێش کۆتاییهاتنی ساڵ. هەر لە میانەی قسەکانیدا وەزیری بەرگری فەرەنسی ڕایگەیاند کە لەناوبردنی داعش پێویستی بە هەندێک کات هەیە و بارودۆخەکان لەبارن بۆ لەناوبردنی داعش و لەم بارەیەوە گەشبینی خۆی نەشاردەوە لەوەی تا ئێستا هێزە هاوپەیمانەکان کردویانە. ئەوەشی ئاشکرا کرد کە هێزە فەرەنسیەکان ڕۆژانە لە مۆڵگەکانی داعش دەدەن و هێزی لەبەر دەبڕن. 





ئەم هەواڵە 13012جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad