English | عربی | Kurdî دواهەواڵ
ڕاستەوخۆ  
 
خه‌باتى ئافره‌تى کورد له‌پێناو چیدایه‌؟
2016-05-07 [01:44 AM]

نووسینی: شیلان فه‌ره‌ج


به‌درێژایى مێژوو خه‌باتى ئافره‌ت له‌پێناو ڕه‌تکردنه‌وه‌ى واقیعی زاڵبونى به‌هێزه‌کان بووه‌ ئه‌وه‌ى که‌ له‌ یاساى جه‌نگه‌ڵدا پێى ده‌وترێت (باڵاده‌ستى و مانه‌وه‌ بۆ به‌هێزه‌کانه‌) ، له‌هه‌موو قۆناغه‌کاندا ئافره‌ت کارى بۆ هاوسه‌نگى و ته‌واو کارى کردووه‌ بۆیه‌ خه‌باتى ئافره‌ت دژى ڕه‌گه‌زى به‌رامبه‌ر و به‌تایبه‌ت پیاوان نه‌بوه‌ به‌ڵکو بۆ گۆڕینى واقیع و نه‌ریتى کۆمه‌ڵگا و پیشاندانى ڕۆڵ و تواناى ئافره‌ته‌ وه‌ک مرۆڤ .

ئافره‌تى کورد که‌به‌رده‌وام پشکى شێرى له‌ نه‌هامه‌تیه‌کاندا به‌رکه‌وتوه‌ هه‌میشه‌ پاڵپشت و پشتوانى پیاوان بوه‌ ، ئافره‌ت په‌روه‌رده‌کار بووه‌ دایک بوه‌ ، هاوسه‌ر و هاوکار بوه‌ ، به‌لام له‌پاڵ هه‌موو ئه‌و ئه‌رکانه‌ى ڕۆڵى خۆى وه‌ک پێویست بۆ دیارى نه‌کراوه‌ ، سه‌ره‌ڕاى ئه‌وه‌ش هه‌میشه‌ قوربانى کلتور و نایه‌کسانى و نادادپه‌روه‌ریه‌کان بوه‌ زۆرن چیرۆکى به‌قوربانى کردنى ئافره‌ت به‌دڕندانه‌ترین شێوه‌ که‌ که‌زۆربه‌یان له‌ژێر په‌رده‌ى شه‌ره‌ف و چێوه‌کردنیه‌تى له‌ چوارچێوه‌ى دیوارى ماڵه‌وه‌ ، هه‌رئه‌مه‌ش وایکردووه‌ کۆمه‌ڵگه‌ى ڕۆژهه‌ڵات و ڕۆژهه‌ڵاتى ناوه‌ڕاست و له‌ناویشیاندا کوردستان به‌راورد به‌گه‌لانى تر به‌کۆمه‌ڵگه‌یه‌کى پاش که‌وتوو له‌قه‌له‌م بدرێت ، چونکه‌ نیوه‌ى هێزى کار و بیرکردنه‌وه‌ى به‌هه‌ده‌ر ده‌ڕوات و هاوسه‌نگى کۆمه‌ڵایه‌تى و جێنده‌رى نیه‌.

خه‌باتى ئافره‌تى کورد کاره‌کردنه‌ بۆ داماڵینى کۆمه‌ڵگا له‌و بیر وباوه‌ڕانه‌ى که‌ ئافره‌ت چێوه‌ده‌که‌ن یان ته‌نیا وه‌ک کالا لێى ده‌ڕوانن ، گێڕانه‌وى متمانه‌یه‌ بۆ خودى ئافره‌تى کورد تابیسه‌لمێنێت که‌ ئافره‌ت  هاوکاره‌ به‌شێکى گرنگى کۆمه‌ڵه‌ ، کاردنه‌ بۆ ڕونکردنه‌وه‌ى دۆخى ئێستاى کۆمه‌ڵگه‌ که‌به‌شێکى گرنگ و هه‌سیارى ئیفلیج کراوه‌،  هۆشیارکردنه‌وه‌یه‌ له‌وه‌ى کۆمه‌ڵگه‌ى مرۆیى جه‌نگه‌ڵستان نیه‌ ته‌نیا به‌هێزى فیزیکى به‌ِڕێوه‌ببرێت به‌ڵکو عه‌قڵ‌ داینه‌مۆ و هه‌ڵسوڕێنه‌ره‌ و ئافره‌تیش خاوه‌نى هه‌مان بیر و هزره‌ ، ئه‌زموونى گه‌لانى پێشکه‌وتوش ئه‌مه‌ى سه‌لماندووه‌.

ده‌ربازبونى ئافره‌ت له‌کۆت وپێوه‌ند و ڕێگریه‌کانى به‌رده‌مى به‌ ده‌رباز بوونى کۆمه‌ڵگه‌ دێت له‌ بیرى ڕزیو و خورافى ئه‌گه‌ریش ئه‌و کلتور و شێوازى بیرکردنه‌وه‌یه‌ بۆ سه‌رده‌مێک گوجاو یان جێگه‌ى سه‌رنج بوبێ ، که‌بێگومان گۆڕینى ئاراسته‌ى جوڵه‌ و بیرکردنه‌وه‌ى کۆمه‌ڵگا کارى زۆر و کاتیشى پێویست ده‌بێ که‌له‌وانه‌یه‌ ئه‌م گۆڕینه‌ له‌ جیله‌کاندا به‌دى بێت ، به‌ڵام کارێکى ئه‌سته‌م و له‌ کارنه‌هاتوو نیه‌ ، ئه‌وه‌ى پێویسته‌ ده‌بێ خاوه‌نى چه‌ند ده‌سته‌ بژێرێک بین له‌ ڕۆشنبیر و ده‌وڵه‌ت مه‌دار و سیاسى که‌ خاوه‌نى بیرکردنه‌وه‌یکى باڵابن له‌ پێناو مرۆڤدا ، ئه‌وسا ده‌توانین له‌ڕێگه‌ى یاساو دامه‌زراوه‌کانه‌وه‌ کار بۆ ئه‌م گۆڕانکاریه‌ بکه‌ین ، دامه‌زراوه‌کان ده‌توانن یاسا ده‌ربکه‌ن نه‌خشه‌ و مه‌نهه‌جیه‌تى نوێ‌ دابنێن ، سیاسیه‌کان ده‌توانن هێز به‌دامه‌زراوه‌ و پرۆگرامه‌کان ببه‌خشن ، ڕۆشنبیران و دامه‌زراوه‌ په‌روه‌رده‌ییه‌کان و کۆمه‌ڵگاى مه‌ده‌نى ئیراده‌ى جێبه‌جێکردن و پابه‌ندى به‌به‌ها باڵاکان ده‌به‌خشن ، له‌وه‌ به‌دواش هه‌موان تێده‌گه‌ن ماناى به‌ده‌سهێنانى مافه‌کانى ئافره‌ت خۆڕوتکردنه‌وه‌ نیه‌ و ته‌نها ڕۆژى 8ى مارسیش ڕۆژى ژنان نیه‌ به‌ڵکو ڕۆێکى ڕه‌مزیه‌ بۆخه‌بات له‌ پێناو یه‌کسانى جێنده‌ریدا.





ئەم هەواڵە 3073جار خوێندراوەتەوە
 
 
ڤیدیۆ گەلەری
خەونی ھەمو ئافرەتێک , کەسێکی ئاوای ھەبێت
ھەڵوێستێکی جوانی محەمەد سەڵاح
خاڵ بەدەستھێنان ئاوا دەبێت
زۆر خراپ دەکەوێتە خوارەوە
لە قافا گیرا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad