English | عربی | Kurdî دواهەواڵ
ڕاستەوخۆ  
 
کودەتایا سپی و داگیرکرنا پەرلەمانی عیراقی و ریفراندوم ودەولەتا کوردی:
2016-05-09 [01:26 AM]

نڤیسینا: پارێزەر. نازم ستونی


روودانێن ڤێ داویێ یێن ل عێراقێ پەیدابوین و ھاتنا ھێزەکا تیرورستی یا مەزن بناڤێ داعش ونەبەرگیری کرنا ھێزێن لەشکەری یێن عێراقێ بەرامبەر وێ ھێزێ و کونترولکرنا ھندەک باژێرێن مەزن و روودانێن ئەڤێ داویێ یێن پەرلەمانی ودەنگوباسێن پێکئینانا حکومەتەکا تەکنوکرات و نەھێلانا گەندەلیێ  ودانانا کەسێن بسپور و شارەزا بۆ پوستێن وەزارەتان و ئینانا خەلکەکی بۆسەر جادێ وکەف لێکرنا ل پەرلەمانی بۆدەنگ دانێ ل سەرحکومەتا تەگنوکرات ودابەش بونا پەرلەمانتارێن عێراقێ بۆسەر دوو ئەنیان ، پەرلەمانتارێن گرەڤگرتی بۆ گورینا سەرۆکایەتیا پەرلەمانی ودەنگ دان ل سەردەولەتا تەگنوکرات, ولایێ دیتر ئەنیا پەرلەمانتارێن پیشتگیرێن سەرۆکایەتیا پەرلەمانی رونشتنێن پەرلەمانی دکەن، کەف کرن و گڤاشتنا لایەیەنەکێ شیعی بۆ رونشتن ودەنگ دان ل سەرحکومەتا تەگنوکرات بێی بەرچاڤ گرتنا پشک پشکیێ و مافێن نەتەوەیێن دیتر یێن دعێراقێدا و ئینانا خەلکێ بۆسەر جادێ وبلندکرنا دورشمێن گەفکرنێ تا گەر گەھشتیە وێ چەندێ ل رۆژا ١/٥/٢٠١٦، دەرگەھێ دەڤەرا کەسک بھێتە شکاندن و پەرلەمان ژ لایێ خونیشاندەران ڤە بھێتە داگیرکرن ودەست بسەرداگرتن, وبچنە دناڤ ھولا پەرلەمانیدا و ھەر پەرلەمانتارەک ب رەنگەکی پەرلەمانی ب جە بھێلیت وکەفتنا پەرلەمانی ددەستێن خونیشاندەراندا، ئەو دیمەنێن بەلاڤکری ددەزگەھێن راگەھاندنێدا تێدا دیار دبیت چونا خەلکی بۆناڤ ھولا پەرلەمانی ورونشتن ل سەرکورسی ومێزێن  سەروک پەرلەمان وجێگر و پەرلەمنتاران  وتمام کرنا وێ(نیسابا)یاسایی یا نەشیایێن تمام بکەن خونیشاندەران تمام کر، نوکە دشێن گورانکاریان وبریاردانێ ل سەر بارودوخێ نوکە بدەن یێن ئەڤە چەندین جارە بەحسێ وان کورانکاریان دھێتە کرن.
ئەم کورد پێدڤیە بریارا ریفراندومێ بەدەین بۆ جودابونێ ژعێراقێ، چونکە بارودوخێ نوکە  و داگیرکرنا پەرلەمانی ب کودەتایا سپی باشترین دەرفەتە بۆ ئەڤێ پێنگاڤێ، ژبەرکو (نیسابا)یاسایی  یا پەرلەمانێ داگیرکری یا تمام بوی ژلایێ خونیشاندەرانڤە، دەرفەتە ژبۆ کورانکاریان ل عێراقێ  وکلیلا ھەلوەشاندنا رێکەفتن ناما (سایکس پیکو)وڤەگەراندنا مافێن ١٠٠سالا نەتەوا کوردە ئەوێن ھاتینە خوارن وبن پێ کرن، وب زۆر وولاتێ وان ھاتیە دابەشکرن وپێکڤەناندن دگەل ولاتێن دیتر و ئەڤەژی ستەم ونەدادپەروەریە ل گەلێ مەھاتیە کرن، دەم ھاتیە ژئەوان عەرەبان ڤەبین یێن ئەوبخۆ دوو(مەزھەب) وھەڤ دژ د گەل ئێک (سنی وشیعی)کو ئەڤە سەد سالە ئەم باجا ھەڤرکییا وان ددەین و ھەر ژ ھەبونا وان ئەو دژی ئێکن, بتایبەتی پشتی دامەزراندنا دەولەتا عێراقێ  تاکو نوکە نەشیاینە ب ئارامی وئاشتی وخوشی پێکڤە بژین وھەمی گاڤان دەستھەلاتا دکتاتوری یان مەزھەبەکی یان نەتەوەکی ب سەر یێ دیتر یا بالا دەستبوو و ئەڤەژی بویە ئەگەرا مالوێرانی شەر وکوشتاران دڤی ولاتیدا، وب دەھان سەرکردە وزانا وبسپور وشارەزا ھاتینە تیرورکرن, نوکە حوکمرانیا عێراقێ ب ئەڤی رەنگییە تا گەھشتیە وێ رادێ پەرلەمان ژلایێ خونیشاندەران ڤە بھێتە کونترول کرن  وداگیرکرن، چونکە ھەمی تشت ب زور ھاتیە کرن وپێکڤەناندن, عێراق ھەر عێراقا بەرێ یە و چ کورانکاری تێدا چێنابن, چونکە کلتورێ عەرەبان چ "شیعە یان سنە"ھەمی ھەرئێکە خوپەرستن وزلزانی وبالادەستی وێرانکرن وتەپەسەرکرنا نەتەوەیێن دیترە، پشتی سالا٢٠٠٣ وژناڤبرنا مەزنترین دکتاتور کو سەدام حسێن بوو و پێکئینانا عێراقا نوی ودانانا دستورەکێ نوی بۆ پێکڤەژیان و ھەڤپشکیێ و پاراستنا مافێن ھەمی نەتەوە و ئاینان ل عێراقێ وەکو گرێنتیەک بوو کو کورد و عەرەب وھەمی نەتەوە وئاین دعێراقەکا ئێکگرتی دا پێکڤە بژین، نوکە مافێن چ نەتەوە وئاینان ب جە نەھاتن وگەلەک خالێن گرنگێن دستوری نەھاتنە جە ب جە کرن, لەوما نوکە باشترین دەرفەتە بۆمە کوردان چونکە کودەتایا سپی نەک ل سەر پەرلەمانی بتنێ ھاتە کرن بەلکو ل سەر دستور وسەروەریا عێراقێ ژی ھاتە کرن, لایەنی عەرەبی نە شیعە و نەسنە پابەند نەبون ب دستوری ڤە و پێشێلکرنا دستوری ژ ھەمی لایەکیڤە ھاتە کرن ونوکە چ تشت نینە بناڤێ دستور، (نیسابا)یاسایی ھاتە داگیرکرن، و ژلایێ لایەنێکی بتنێ ڤە ئەو (نیساب)یا تەمامە، واتە ئەو دشێن بریار وگورانکاریان دناڤ عێراقا عەرەبیدا بکەن، چونکە کوردان چ رێکەفتن دگەل وان نین نوچ تشت نەما بناڤێ پەرلەمان و دستور و حکومەت ودام ودەزگەھێن حکومەتێ، لەورا دڤێت سەرکردایەتیا کورد ب زویترین دەم پێنگاڤێن ژیرانە ب ھاڤێژن و ریفراندومێ ب زوترین دەم بکەن یان دڤێت ئێکسەر دەولەتا کوردی وسەربەخویێ راگەھینن، چونکە مەرجێ ھەرە بھێزێ مە وعێراقا عەرەبی دستور و پابەندبون بوو ب دستوری ڤە، وژلایێ وان ھاتە بن پێ کرن، باشترین بھانە ودەرفەتە بومە، پێدڤییە بۆ وولاتێن ھەرێمی و ئوروپا و ئەمریکا بسەلمینین ئێدی پێکڤەژیان دعێراقێدا نەمایە ودڤێت سیاسەتمەدارێن مە ژ ھەمی لایەکی ڤە شیان وسیاسەتا خۆ بێخنە گەر بۆگەھاندنا ڤێ پەیامێ و رێ خوشکەن دگەل نەتەوێن ئیکگرتی بۆ راگەھاندنا دەولەتا کوردی.

 





ئەم هەواڵە 3031جار خوێندراوەتەوە
 
 
ڤیدیۆ گەلەری
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
ژیانی خۆی کردە قوربانی سەرشێتیەک
خراپی لێ قەوما
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad