English | عربی | Kurdî دواهەواڵ
ڕاستەوخۆ  
 
سەرۆکی حکومەت بڕیارێکی کۆبوونەوەی سەرۆکی وڵاتانی گرووپی جی.٧ بەرز دەنرخێنێت
2016-05-31 [04:29 AM]

هه‌ولێر (ZNA) - سەرۆکی حکومەتی هەرێمی کوردستان بڕیارێکی کۆبوونەوەی ئەم دواییەی سەرۆکی وڵاتانی گرووپی "G7"ی لەسەر هەرێمی کوردستان بەرز نرخاند.


لە ڕێوڕەسمی ڕاگەیاندنی پلانی سێ ساڵەی حکومەتی هەرێمی کوردستان بە هاوبەشی لەگەڵ گرووپی بانکی نێودەوڵەتی بۆ ڕیفۆرمی ئابووری، نێچیرڤان بارزانی سەرۆک وەزیرانی هەرێمی کوردستان سوپاسی سەرۆکی وڵاتانی گرووپی (جی.٧)ی کرد کە لەم ڕۆژانەی دواییدا لە ڕاگەیاندنی کۆتایی کۆبوونەوەکانیان لە ژاپۆن ڕایانگه‌یاندبوو هه‌رێمى كوردستانیش سوودمه‌ند ده‌بێت له‌و هاوكارییانه‌ى پێشكه‌ش به‌ عێراقى ده‌كه‌ن.

سەرۆکی ئەنجومەنی وەزیرانی هەرێمی کوردستان هەروەها ڕۆڵی هوشیار زێباری وەزیری دارایی عێراقی بەرز نرخاند کە بەردەوام هەوڵی داوە بۆ مسۆگەرکردنی ئەو شایستە داراییە بۆ عێراق و هەرێمی كوردستان.

جێی باسە، ٢٦ی ئەم مانگە لە وڵاتی ژاپۆن، سەرۆکی حەوت وڵاتی گەورەی ئابووریی جیهان کە بە گرووپی (جی.٧) ناسراوە، کۆبوونەوە بۆ باس لە کێشە ئابوورییەکان لەسەر ئاستی وڵاتانی جیهان. لە بەیاننامەی کۆتایی کۆبوونەوەکەشدا، ئاماژە بە هەرێمی کوردستان کرا و ئەوە ڕاگەیەندرا کە وڵاتانی گرووپی (جی.٧) هاوکاریی عێراق دەکەن بۆ دەربازبوون لە قەیرانی دارایی و هەرێمی کوردستانیش لەو هاوکارییە سوودمەند دەبێت.





ئەم هەواڵە 1762جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad