English | عربی | Kurdî دواهەواڵ
ڕاستەوخۆ  
 
حەسەن رۆحانی بەڵێنیی کردنەوەی وانەی کوردی لە قوتابخانەکانی رۆژهەڵاتی کوردستانی دا
2016-05-31 [06:11 AM]

هەولێر(ZNA)- حەسەن رۆحانی، سەرۆک کۆماری ئێران کە رۆژی دووشەممە بە سەردانێکی دووڕۆژە گەیشتە پارێزگای ورمێ، لە رۆژی دووهەمی ئەم گەشتەدا سەردانی شاری مەهابادی کرد.


هاوکات لەگەڵ سەردانەکی رۆحانی، ئەندامانی دیکەی کابینەکەشی بەسەر شارەکانی دیکەی پارێزگای ورمێدا دابەش کران و عەلی یوونسی، یاریدەدەری بەشی نەتەوە و ئەتنیکەکانی ئێران، لەم رۆژە گەیشتە شاری سەردەشت.

یوونسی، لە سەردەشت گوتی: حکوومەتی رۆحانی رایسپاردووە لە قوتابخانەکانی رۆژهەڵاتی کوردستان زمانی کوردی لە تەنیشت زمانی فارسی بخوێندرێت.

حەسەن رۆحانیش لە وتارێکدا کە لە یاریگەی وەرزشیی مەهاباد پێشکەشی کرد، بە زمانی کوردی گوتی: بژی کوردستان" و لە نێو گوتەکانیدا ئاماژەی بە خوێندنی زمانی کوردی کرد. رۆحانی گوتی: فەرمانی داوە لەو پارێزگایانەی نەتەوەی کورد و ئازەریان لێیە، چەند نێوەندێک بۆ شرۆڤەکردنی کاروباری خوێندن بەو زمانانە لە قوتابخانەکان دابمەزرێن.

عەلی یوونسی گوتی: لە کاتی هاتنەسەر سەرکاری حەسەن رۆحانییەوە، لە زانکۆی کوردستانی نێوەندی پارێزگای سنە زمانی کوردی دەخوێندرێت و لە داهاتوویەکی نزیکدا خۆێندنی کوردی بۆ قوتابخانەکانی دیکەی رۆژهەڵاتی کوردستانیش پەرە دەستتێنێت.

رۆژی پێشتر، رۆحانی سەردانی نێوەندی پارێزگای ورمێی کردبوو و لەوێ بە زمانی تورکی  و بە "یاشاسن ئازەربایجان" واتە بژی ئازەربایجان دەستی بە قسەکانی کردبوو.

سەرۆککۆماری ئێرانم هەروەها  لەم سەردانەیدا، کارگەی پترۆکیمیای مەهابادیشی کردەوە. کارگەی پترۆکیمیای مەهاباد لە لایەن خەڵکی شارەکەوە کەتووەتە بەر رەخنە و دەڵین ٨٢٪ کەسانی دامەزراو لە کارگەکە خەڵکی ناوچەکە نین و تەنیا ١٨٪  ئەو کەسانەی لەوێ دامەزرێنراون، کوردن.

 





ئەم هەواڵە 3421جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad