English | عربی | Kurdî دواهەواڵ
ڕاستەوخۆ  
 
خەباتا بەرچاڤ و بەگراوەندێ بەرزە
2016-06-09 [01:20 AM]

نڤیسنا: پارێزەر نازم ستونی


دخەباتا نەتەوەیی  یا گەلێ کورددا ل ھەر چوار پارچێن کوردستانێ کو ل دووڤ رێکەفتنا سایکس پیکو ھاتیە دابەشکرن  تا نوکە چەندین پارتێن سیاسی کوردی سەرھەلدایە وھەرئێک ژ وان پارتیان ب پەیرەوە وپروگرام و ئایدولوژی و بیرو باوەرێن تایبەت ب خۆەڤە خەبات کریە وھەمیان چ ل دور یان نێزیک خۆە وەکو پارتەکا نەتەوەیی و نیشتمانی ناساندیە و دورشمێن رزگارکرنا گەلێ کورد ژ بن دەستیێ و بدەست ڤە ئینانا خەونا دامەزراندنا دەولەتەکا کوردی بلند کرینە، و بەردەوام دورشمێن وان ئەو بون گەلێ کورد  پێدڤیە مافێ خۆە برێڤەبرنێ ھەبیت و ھەرئەوبخۆە ببیتە ئاغایێ خۆە وژ بن دەستیێ رزگار ببیت. بەلێ نوکە دناڤەڕۆک وکریارێن پارتایەتی و ئاخفتنا ھندەک سەرکردێن وان  ھاتیە گوھارتن و ئەڤێ ڕامانێ مرۆڤ تێدا نابینیت و ئەڤێ چەندێ دئێخە بەر گومانێ، خەبات وتێکوشینا وان پارتیان بۆ رزگارکرنا گەلێ کورد وئازادی و سەربەخویا کوردستانێ نەبویە. ودبینین سەرکردێن ھندەک پارتێن سیاسیێن کوردی ل ھندەک بەشێن کوردستانێ ب ئاشکرا دژایەتیا ئالایێ کوردستانێ و ریفراندوم و خەباتا نەتەوەیی دکەن و بەربەستان دورست دکەن ودبنە رێگرێن خەباتا رزگاری خوازیا نەتەوەیی ودامەزراندنا دەولەتا کوردستانی.
ئەڤ جورێن پارتیان ب سەرڤە و بەرچاڤ  وب دورشمان پارتێن نەتەوەینە ورزگارکەرێن گەلێ کوردن, بەلێ بەگراوەندێ وان یێ نھێنی ئەونینە، خەباتا وان بۆ رزگارکرناگەلێ کورد نینە بەلکو بۆ دژایەتی کرنا کوردانە و بزاڤێ دکەن گەلێ کورد ب ئارمانجا خۆە نەگەھیت, ھەر بۆنمونە پارتا کرێکارێن کوردستانێ( پەکەکە) ھەر ژ دامەزراندنا وێ ل سالا ١٩٧٨وپشتی ھاتنا وان ل سالا ١٩٨٤ بۆکوردستانا باشور و دەست دایە خەباتا چەکداری، بەلێ دێ بینین ھەر ژ دەستپێکا خەباتا چیای وھەتا نوکە بەردەوام بەربەست ئێخستینە د رێکا بزاڤا ئازادیخوازیا کوردیدا ل باشورێ کوردستانێ و دان پێدانێ ب چ ھێزێن دیتریێن سیاسی ناکەن ل چ پارچێن کوردستانێ ,پشتی سەرھلدانا سالا  ١٩٩١بارەگایێن خۆە ل ھەولێرێ ڤەکرن و پاشی دەست ب ڕەڤاندنا سنێلان کر و دژایەتیا حکومەتا ھەرێما کوردستانێ کرو ھێرەش کرە سەربارەگایێن پارتی ل دەمێ ئاگربەستێدا و دەست ب سەربارەگایاندا گرت وھندەک پێشمەرگەی دوان بارەگایاندا ئێخسیر کرن وھاتنا وان بو سەرگوندێن سفیل وشەھید کرنا زاروکان ل دەڤەرا بارزان  ھەلگیرساندنا شەرێ برا کوژیێ ودورست کرنا کێشە و گیروگرفتان بۆ پارتا دیموکراتا کوردستانا ئیرانێدا  و رێگرتن ل ڤەگەریانا پێشمەرگێن وێ پارتێ بۆ سنورێ چالاکیێن خۆ ل سەر سنورێ کوردستانا رۆژھەلات ھەتا وەلێھاتی حکومەتا ئیرانێ بێژیت، (پەکەکە) زێرەڤانێن سنورێ مەنە، ونەھێلانا ڤەگریانا پێشمەرگێ رۆژئاڤا بۆکوردستانا رۆژئاڤا کوخەباتێ دژی حکومەتا سوریێ بکەن. و پاشی ئاخفتنێن کێم بھایێن عەبدولرەحمان حاجی ئەحمەدی سەرۆکێ پەژاک کو بالەکێ پەکەکێ یە ل کوردستانا رۆژھەلات و دەمێ گوتی، ئەڤە ئالایێ کوردستانێ نینە بەلکو ئەڤە ئالایێ بنەمالا بارزانیە، و نوکە ئاخفتنێن جەمیل بایک ھەڤ سەروکێ کوما جڤاکێن کوردستانێ(کەجەکە)  ل سەر ریفراندومێ و دبێژیت، ریفراندوم پرۆژێ دەولەتا تورکیایە وپارتی بریارێن ئاکەپێ و ئەردوغان  جە ب جە دکەت وپاشی  دوران کالکان ئەندامێ سەرکردایەتیا کەجەکێ دبێژیت: ئەگەر ریفراندوم  بھێتە ئەنجام دان دێ کوردستانێ کەینە گوما خوینێ, ئەڤە وچەندین نیازێن دیتریێن بەرزە کوئەم لێ د ئاگادار نینین وژبنڤە بنڤە کانێ چ  رویدەت و چێدبیت، ب راستی سەیرە!! ھەمیان ھیماودورشم وپرۆگرامێن کورد بون ونەتەوەیی بونێ بلند کربون, لەوما دبێژین ، دامەزراندنا ھندەک پارتێن سیاسی کوردی پەیرەو و پرۆگرامێن وان وکارو کریارێن وان دگەل ئێک ناگونجن وبەگراوەندەکێ بەرزە ل پشت ھەیە وجودایەکا مەزن د ناڤبەرا واندا ھەیە, ب تنێ دامەزراندنا وان وەکو پارتەکا رامیاری و دورشمێن وێ د نەتەوەیی نە, بەلێ دناڤەروکا وکەڤلێ و بەگراوەندێ خۆەدا کار وکریارێن وان دژایەتی کرنا نەتەوەی وئالا ودەولەتا کوردستانی یە و یێن بوینە دارو دەستێ وولاتێن ھەرێمی و نیڤ نەتەوەیی وپرۆژێن وان جە بجە دکەن, کو پرۆژێ ھەمیان دژایەتیی ونەبونا دەولەتا کوردستانیە.





ئەم هەواڵە 3832جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad