English | عربی | Kurdî دواهەواڵ
ڕاستەوخۆ
 
گفتوگۆیەک لەگەڵ بزووتنەوەی گۆڕان ......... عوسمان عەلی وەیسی
2016-06-18 [08:08 AM]

ZNA - هه‌ولێر


دەسەڵات و مەشروعیەت و تەنانەت سەروەری "سیادە"، لێرە و لەوێ شکڵی جیاوازیان هەیە، لە هەموو شوێنێک هەمان شت نییە.

ئیلزامی سیاسی، کە بناغەی پەیوەندی نێوان حاکم و مەحکوم دادەنێ بە شێوەیەکی رەمزی، رێکخستنی سیاسی، کە بونیەی دەستەڵات دیاری دەکات، ئەو دینامیەتەی کە هەڕەشەی پێدەکرێت بۆ سەر سەقامگیری بارودۆخ و بە ئامانجێک کە دەیەوێت دووبارە چاو بە پەیوەندیەکانی دەسەڵاتدا بخشێنرێتەوە، بابەتگەلێکن کە قابیلی باس و خواسی زۆرن.

بە رای ئێمە، لە کوردستان، بزووتنەوەی گۆڕان، هەڵە و کەماسی و کورتبینی هەیە لەم بوارانەدا، بە کورتی:

- دەسەڵات و سەروەری و رەوایی، لە قۆناغی گواستنەوە و، بە تایبەت لە دوای 2003ەوە، رەوتی قۆناغی گواستنەوەی دیموکراسی وەرگرتبوو، دەکرا ئەم قۆناغە بە هێمنی بڕوات و، کاری ب- گۆڕان لە سەر پەیوەستبوونی دەسەڵات بە ئیلزامی سیاسی، بە پلەی یەکەم دەکرا لەو سۆژانەی پەیوەندی بە چاکسازیی ئیداری و دادەوە هەیە پەرە پێبدات و، دیدگای خۆیشی دوور لە دۆگما و پەرستش لەسەر سیستەم بخاتە روو.

بە داخەوە، ب -گۆران، تا دوالێدوانی رێکخەری گشتی ئەمەی نەکرد، بە تۆڵە دەستی پێکرد و، بە تاکتیک و ستراتیژی تۆڵە، بەو شێوەیەی خۆی قەناعەتی پێی هەیە، بەردەوامی کرد. ئەمەش گوناهێکی نیشتمانییە، نەک کەمتر نییە لە گەندەڵی، بگرە دەبێ کار بکرێت تا مێژوو دەگەڕێتەوە شوێنی خۆی، لە ئێستایشدا کە جەنگە، کوردستان لە چەندین رووەوە ئابڵۆقە دراوە، ئۆباڵەکە زۆر قورستتر دەکات، لەوەشدا کە دەوڵەت نین و دەرفەت لەپێشە، ئەکتەکە بێ بەرپرسیارێتیی نەتەوەیی و نیشتمانی ناهێڵێتەوە.

- دیموکراسییەکی فرەیی بەڕێوە بوو، لە ئارادا بوو، یاسەوارەکانی رۆژانی نەگبەتی شەڕی ناوخۆ دەپێچرانەوە، خەریک بوو قۆناغی متمانە و، ئەرکەکانی دیموکراسی و کاری مەدەنی، جێگای شیاوی خۆیان دەگرت، بزووتنەوەی گۆڕان کودەتای بەسەر ئەم رەوتەدا کرد، بەبێ ئەوەی بەدیلی متمانەی سیاسی لای ئەو بۆ ئەوانی تر، روونتر و متمانەدار تر بێت، بگرە سڕینەوە بوو، ئەمەش دەچێتە قاڵبی فەوزەویەتەوە.

 

- کارکردنی شەعبەوی زۆر مەترسیدارە، ستەم و دیکتاتۆریەتە، لەلای دەسەڵات یان لە لای حزبەوە پیادە بکرێت، لە مەشدا، وێنەی خودی رێکخەری گشتیی گۆڕان و بزووتنەوەکە، نەک هەر نەیتوانی خۆی لەم تەوقە رزگار بکات، بەڵکو لە حاڵەتی سایکۆلۆجی و سیاسی  بارێکی هێنایە گۆڕێ کە نەتوانێ لەگەڵ ئەرکەکان و ئەوی تردا رێ بکات.

هەر بۆیە دەرفەت بۆ جوانی و چاکەی گشتی و، سیاسەتی کوردستانیانە و، سیاسەتی نیشتمانیی عەقڵانی، دیموکراسی، مەدەنی زۆر بوو، بزووتنەوەی گۆڕان نەیتوانی لە ناویدا کاری خۆی بکات، چونکە: ئەداکردنی چاکەی گشتی و فەزیڵەت و ئەرکی گشتی وەئەستۆگرتنی بەرپرسیارێتی و.... پرسگەلێکی گەورەن کە نەیانتوانی هەڵگری بگرن.

ئەمانە هەمووی مایەی نیگەرانین، نەک بە مەبەستی شکاندن، بەڵام بە رای من ئەم بزووتنەوەیە، لە دروستبوون و بەردەوامی و، کارەکانی، جێگای توێژینەوە و هەڵوەستەکردنە، کە پێم وایە بە مێژوو، لە ئەرکەکانی قەرزدار دەبێتەوە...

پێم وایە بەشێکی زۆر لە نیگەرانییەکانی پارتی لەمەوەیە کە ئایندەی گەمەی سیاسی، لەژێر رۆشنایی ئەم بزاوتە روو لە هەڵدێرە، دەبێ پێشی بگیرێت و، دەکرا یەکێتی رۆڵی تر بگێڕێت، ئەمەش قسەی زانستی دەوێت.





ئەم هەواڵە 1000جار خوێندراوەتەوە
 
 
ڤیدیۆ گەلەری
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
بوێری دەکەیت ئاوا خۆت ھەڵدەیت
چین...تووشی رووداوێكی ترسناك بوو، به‌ڵام رزگاری بوو
ئەرجەنتین..بۆ تۆماركردنی ریكۆردێك، 2000 كەس لەسەر ئاو پاڵكەوتوون
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad