English | عربی | Kurdî دواهەواڵ
ڕاستەوخۆ
 
نا بۆ ریفڕاندۆم!.................... کاروان عەبدوڵأ
2016-06-18 [08:22 AM]

ZNA - هه‌ولێر


ریفڕاندۆم وەک پرەنسیپێک بۆ یەکلاییکردنەوەی کێشە ئاڵۆزو گەورەکان تەنیا لە وڵاتە دیمۆکراسییەکان پەیڕەو ناکرێ ، بەڵکو زۆرجاریش بۆ دیاریکردنی چارەنووسی گەلانی ژێردەستەش کە لە وڵاتێکی نا دیمۆکراتدا دەژین ، کاری پێکراوە. ئەنجامدانی ئەو پرەنسیپە بۆ چارەسەرکردنی کێشەی گەلانی رزگاریخواز رێساو هەلومەرجی تایبەتی گەرەکە وەک :

1 -  مەحاڵبوونی پێکەوە ژیانی گەلی ژێردەستە لەگەڵ نەتەوەی باڵا دەستی حوکمڕان لە چوارچێوەی دەوڵەتێکی سانتڕاڵی نا دیمۆکرات .

2-  لەباربوونی دۆخی سیاسی نێوخۆیی بزاڤی رزگاریخوازی گەلەکە.

3-  هەبوونی جۆرێک لە پشتیوانی نێودەوڵەتیی ، کە مەترسی پەلاماردان بۆ سەر گەلی ژێردەستە بڕەوێنێتەوە .

4-  هەبوونی جۆرێک لە قەناعەت لەلایەن دەوڵەتی سەنتراڵەوە بۆ حەقانییەتی ئەو ریفڕاندۆمە ،کە ئەمەیان زۆر سەختە و پەیوەستە بە تێکچونی باڵانسی هێز و زهنییەتی سیاسی نوخبەی حوکمڕان .

5-  دیاریکردنی ئامانج لە بەڕێوەبردنی ئەو پڕۆسەیە .

6-  هەبوونی دەزگایەکی شەرعی بۆ راگەیاندن و بەڕێوەبردنی ئەو پڕۆسەیە .

لە هەرێمی کوردستان (باشور) زۆربەی ئەو مەرجانەی سەرەوە کەموزۆر بۆ ئەنجامدانی ریفڕاندۆم وجودیان هەیە ، لێ ئەوەی لەو رێگەیەدا بۆتە مایەی نیگەرانی و دروستکردنی کۆسپ و تەگەرە ململانێی هێزە سیاسییەکانە کە دەیانەوێ لەموقابیلی ئەنجامدانی ئەو پڕۆسەیە دەسکەوتی حزبی بۆخۆیان مسۆگەر بکەن ، واتە مەرجی رازیبوونیان ،سازشکردنە . مەترسییەکە لێرەوە دەستپێدەکا ، کە پراکتیزەکردنی ریفڕاندۆم وەک پرەنسیپێکی نیشتمانیی مەرجی سیاسی و حزبی بۆ دادەنرێ ، لە کاتێکدا ئەزموونی هەموو گەلانی ئازادبوو ،ئەوەمان پێ دەڵێ کە هێزە سیاسییە سەرەکییەکانی ئەو گەلانە لەسەر هەموو شتێک ناکۆک و دژ بن ،لە مەسەلەی ریفڕاندۆم هاوتەبان ، چونکە سەرکەوتنی بۆ هەمووان وەک یەکە.

 ئەگەرچی لەهەلومەرجی ئاڵۆزی جیۆسیاسی کوردستان زۆر زەحمەتە ئەو تەباییە هەبێ ، بۆیە خۆخەریکردن بۆ گەیشتن بەو تەباییە وەخت کوشتنە و رۆژ بە ڕۆژ نیگەرانی و دڕدۆنگی بەرهەم دێنێ و ئەنجامدانی پڕۆسکەش لە مەحاڵ نزیک دەکاتەوە ، کەواتە باشترین ئیختییار بڕیاردانە لەسەر سەربەخۆیی و راگەیاندنی دەوڵەتی کوردستان ، کە من پێموایە هیچ هێزێکی سیاسی( بچوک و گەورە) ناتوانێ دژی سەربەخۆیی بێ .بۆ ئەو هەنگاوەش دەکرێ سەرۆکی هەرێم بە زووترین کات راوێژ بە یاساناسە نێوخۆیی و نێودەوڵەتییەکان بکا و لەگەڵ هەموو حزبەکانیش کۆ ببێتەوەو بڕیاری کۆتایی بدا . بۆ ناوچەکانی دەرەوەی ئیدارەی هەرێمیش ریفڕاندۆم بکرێ . ئەمە تاکە رێگایە بۆ رزگاربوون لەو کێشمە کێشەو کۆتایی هێنانە بە هەموو گومان و موزایەدە سیاسییەکان .......

 





ئەم هەواڵە 958جار خوێندراوەتەوە
 
 
ڤیدیۆ گەلەری
به‌یه‌ك موشه‌كی تازه‌ دروستكراو، تانكێك وردوخاش ده‌كات
ته‌قینه‌وه‌ی عه‌مباری چه‌ك و ته‌قه‌مه‌نی
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
بوێری دەکەیت ئاوا خۆت ھەڵدەیت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad