English | عربی | Kurdî دواهەواڵ
ڕاستەوخۆ
 
بۆ بەدەوڵەتبوونی کوردستان کێ بڕیارەکە دەدات
2016-08-07 [12:05 PM]

نووسینی: فاتیح ئیسماعیل ئەحمەد


هەمیشە وا بووە کە کەسێک یان دەستە و تاقمێك یان لایەنێکی سیاسی کار بۆ بڕیاردانێك دەکات کە پەیوەندی بە کۆی گشتی هاولاتیانەوە بێت لە تەك ئەوەشدا، هەرگیز گشت لایەك کۆک نەبوون لەسەر تاکە بڕیارێک یان بۆ ‌چوونێک، بۆ نموونە لە شۆڕشی ڕزگاریخوازی کوردستاندا، کەبەچەندین قۆناغ و کاتی جیاوازدا گوزەری کردوە، ئیدی شۆڕشەکان ناوچەی بن یان بنەماڵی یان کەسی،بەڵام سەرئەنجام لە ١١ ئەیلولی ١٩٦١، بڕیاری هەڵگیرسانی شۆڕش درا.هاوڵاتیانی کوردستانیش بە شێوەیەکی فراوان ئامادەیان هەبووە، کە ئەنجامی باشیشی بوو.


سەرەڕای ئەوەی کوردستانی باشوور چواردەوری تەنرابوو بە یەکێك لەو حکومەتەکانەی کە کوردیان بەسەردا دابەشکرابوو بێ ئەوەی گوێ لەوە بگیرێت کە هەلومەرجەکان لەبارە یان لەبار نی یە یان کورد نە خاوەن هێزیکی گەورەی سەربازی و سەرمایەیەکی ماددی و جوگرافیایەکی ئازادی هەیە، بەڵام شۆڕش دەستیپێکرد، بەڵام ئەویش بە کەسی کاریزما و بڕوا بەخۆ بوون کرا کە ئەوەش مستەفا بارزانی بوو، هەروەها پیشتریش توانیبووی بە متمانە بەخۆ بوونەوە و بە تواناینی کەمی مادەی و بە چەك کەم و پێویستی سەربازی ئاسان بەڵام اقیعیك بخولقێنیت بە ٥٠٠ جەنگاوەرەوە سنووری هەر چوار دەوڵەتەکەی کە کوردی بەسەردا دابەشکرابوو بڕی و بەپێ گەیشتە وڵاتێکی دیکەی گەورای جیهان(یەکێتی سۆڤێتی جاران) تا لەوێ بەرداوام بێت لە هەوڵ و تێکۆشانی بۆ بەدەست هێنانی مافی نەتەوەکەی،

ئەو تێکۆشانە ئەنجامی گەورەی بوو. دوای ( ١٢ ) ساڵ بە سەرکەوتی و سەربەرزی وەک رەمزی ڕزگاری گەرایەوە وڵات و پیشوازی بەرفراوانی جەماوەری و سیاسی لێ کرا.هەروەها شۆڕشی ئەیلول لە11ی ئاداری 1970 توانی لە مێژووی خۆیدا زۆر سەربەرزانە مافەکانی نەتەوەیی کورد لە دەستووری عێراق بچەسپێنێت و بۆ ماوەیەکیش وەک هاوبەش کاری لە عیراق دا کردوە، هەر ئەوەش بووە کەرەسەیەکی ئامادە کراو بۆ گفتوگۆ و دانوستاندن لەگەڵ ڕێژێمی عێراق و هەروەها بۆ عێراقی نوێ .


ئێستا دۆخی کوردستانی باشوور زۆر لە بنەماکانی گەیشتن بە مافەبنەرەتیەکانمان بەدی هاتووە و کەرەسەی بونە بە دەوڵەت لە هەمووکات زیاتر لە بارە وەك خاوەن سنوورێکی جوگرافیای دانپێنراو بۆ دەوڵەت بوون، بریاری ( 688) و هەروەها ناساندنی کوردستان لە دەستوری هەمیشەیی عێراق بە ڕەسمی مامەڵەکردن لەگەڵ هەرێمی کوردستان لە لایەن کۆمەڵگا نێو دەوڵەتی بەکردنەوەی نوێنەرایەتی حکومەتی هەرێمت کۆردستان بە رەسمی لە وڵاتانی گەورەی وەك ئەمریکا، فەرەنسا،ئەلمانیا، بەریتانیا، ئیتالیا – یەکێتی ئەوروپا ە چین و دواتریشایان تورکیا و .......هیتد.


هەروەها کردنەوەی قونسوڵی زۆر لە وڵاتان لە هەولێر بەتایبەتی وڵاتانی گەورەی ( ئەمریکا - ئەلمانیا – نەمسا – بەریتانیا – ڕوسیا – چینی- سعودی.... ) کە زۆربەیان لە ئاستی باڵیوزخانەن هەروەها سەردان کردنی زۆرینەی وڵاتان تا ئاستێکی زۆر بەرزی سەرۆكۆمار و وەزیرانی دەرەوە و بەرگری .........هیتد، لەگەڵ هەموو ئەمانەشدا ڕێگادان بە فرۆشتی نەوتی کوردستان بەسەربەخۆی و کە زۆربەشیان لە لایەن کۆمپانیاکانی ئەو وڵاتانەی وەك ئیکس مۆبیل وتۆتاڵ، شڤرۆن، .....هیتد، هەموو ئەمانە و چەندانی دیکەش،لەسەرو هەموو ئەمانەوەشەوە قارەمانێتی پێشمەرگە کە لە جیاتی هەموو جیهان شەڕی داعش دەکات و شکۆی بۆ کۆمەڵگای نێو دەوڵەتی گەڕاندەوە، بەڵکو قارەمانی پێشمەرگە بالانسی بۆ حکومەتی عێراقی گێرایەوە، ئەوەش بەسەرۆکایەتیسەرۆک مەسعود بارزانی نابێ لەبیر بکرێت وەك فەرماندەیەکی قارەمان و مەیدانی ئەو ڕۆڵەی زیاتر پەرەپێبدا و بەڵکو بووە هەوێنی سەرکەوتنەکان.


لەسەرینی ئەمانە کە لەسەرەوە باسمان کردوە و ئەو واقیعەی ئێستای دوای ١٠٠ ساڵەی سایسبیکۆ، جاریكی دیکە نەخشەی ناوچەکە دەگۆڕیتەوە، بەڵکو لە زۆر جێگا و وڵاتیش بەبێ گەڕانەوە بۆ میکانیزمی پیشوو لە جیابوونەوە و دروستکردنی دەوڵەت کە دەبوو ڕەزامەندی کۆمەڵگای نێو دەوڵەتی و هەروەها دەوڵەتی خاوەن سیادەکەی وەربگرێت،وەک لە ئۆکرانیا کە روسیاکردی یان نەهیشتنی سنوور بۆ ماویەکی زۆر لە نێوان وڵاتی سوریا و عێراق و هەروەها دەستتێوەردانی ڕاستەو خۆی روسیا و تورکیا وقەتەر و سعودیە و ئەمریکا لە سوریا.


کە ئێستا سووریا پارچە پارچە بووە بۆ زیاتر لە دەوڵەتیك، بەڵکو کەمترین جوگرافیا بەدەستی حکومەتی سورییەوەیە کە هەتا ئێستا کۆمەڵگای نێودەوڵەتی هەڵوێستێکی ڕوونی نی یە بۆ ئەم دۆخە بە هەموو پێوەرێك دۆخەکە لەبارە بۆ ئەوەی دەوڵەتی کوردی ڕابگەیەنرێت، دەپرسم جا کێ بڕیار دەدات، من دەڵیم پارتی دیموکراتی کوردستان بەڕەسمی ڕیبگەیەنێت و پاشان ئەوەی ئامادەیی نی یە با کار بۆ مانەوەی خوی بکات لە چوارچێوەی عێراقدا .بەوەی پارتی دیموکراتی کوردستان زۆرینەی هێزی جەماوەرو سنووری جوگرافیا و پەیوندی نێو دەوڵەتی و هێزی سەربازی و ئامادەیی هاولاتیانیشی زیاترە و سەرۆکەکەشی مەسعود بارزانی یە و سەرۆکی ئەو پارتەیە کە پێشڕەوایەتی شۆڕشی ئەیلول و راپەڕین و هەڵبژاردنی گشتی1992 و دبلۆماسێتی کوردی و نەوت و گەڕانەوەی شکۆی کورد و بەرگیکاری نەتەوە و ئاینە جیاوازەکانەو ئێستاش سەرۆکی هەرێمی کوردستانە، سەرۆک بارزانی بڕیاردا لەگەڵتاین بەرەوە سەربەخۆی کورد و کوردستان.


کەواتە پارتی دیموکراتی کوردستان – عێراق بڕیار بدە، هەر چۆن بڕیاری شۆڕشی ڕزگاریخوازانی کورد هەروەها بڕیاری هەڵبژاردنی گشتی هەریمی کوردستان لە ( ١٩٩٢) و ڕێگا گرتن لە هەڵکردنی ئاڵای بەعستان لە هەرێمی کوردستاندا تا نەگۆڕە هەلنەکرا، هەروەها مکوم بون لەسەر ناردنی نەوت و کرایە ئەمری واقیعی، دەبفەرموون بڕیار بدەن کوردستان بکرێتە دەوڵەت، ئەگەر پارتی بڕیار نەدەی بەدڵنیاوە کەس و لایەنی دیکە بڕیاری بۆ بەدەوڵەتبوون دەدات.





ئەم هەواڵە 760جار خوێندراوەتەوە
 
 
ڤیدیۆ گەلەری
سه‌یر بكه‌ دۆناڵد ترامپ له‌ زۆرانبازیدا چ لێدانێك ده‌خوات
هندستان...سه‌رتاشێك ئاگر بۆ سه‌رتاشین به‌كار ده‌هێنێت
گورگه‌كان وایان زانی نێچیرێكی ئاسانه‌، به‌ڵام له‌به‌رده‌م گامێشه‌كان هه‌ڵاتن
شه‌مه‌نده‌فه‌رێك له‌ دوو ئوتۆمبێل ده‌دات
ئه‌ندونیسیا... له‌دوا ساتدا هه‌ردوو منداڵه‌كه‌ی رزگار ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad