English | عربی | Kurdî دواهەواڵ
ڕاستەوخۆ
 
پارتێن سیاسی ئێک بگرن ئەگەر دێ وەکو لەگلەگەی ل ھەوە ھێت!!
2016-08-14 [01:44 AM]


پارێزەر:نازم ستونی 

ئەڤی بابەتی دێ ب کورتە چیڕۆکەکا کورت وپری سەربور دەست پێکەین, دبێژن, (حاجی لەگلەگەک) ل گوندەکێ مەسیحیان ھێلینا خۆە ل سەر بورجێ ناقوسا دێرێ چێکر بوو، وببو ئەگەرێ پیسکرنا حەوشا دێرێ وبورجی، خەلکێ گوندی گەلەک ژێ بێزار ببوو,چەندین جاران بزاڤا دەرئێخستنا وی دھاتەکرن, بەلێ یا بێ سود بوو, مەزنێ گوندی داخواز ژ زانایێن گوندی کر چارەکێ بۆ لەگلەگەی ببینن, ئێکێ ژوان گۆت, ئەڤە یا بساناھیە, کێڤریشکەکێ بینن ودێ (شەرابێ)کەینە دناڤ گوشتێ وێ ودانینە دھێلینا لەگلەگەیدا ودێ گوشتی خوت و ئاگەە ژخو نامینیت ودێ گرین, ئەو کریار ئەنجام دا ولەگلەگە گرت,ئێکی دەستێ خۆە ھاڤێتە ستویێ لەگلەگەی وھژاند وگوت، لەگلەگە, ئەگەر تو ل سەر ئاینێ موسا پێغمبەری بایە, تە چ جار گوشتێ کێڤریشکێ نەدخوار.
ئەگەر تو ل سەر ئاینێ عیسا پێغمبەری بایە,تە چ جار ناقوس وبورج وحەوشا دێرێ پیس نەدکر.
ئەگەر تو ل سەر ئاینێ محەمەد پێغمبەری بایە, تە چ جارا (شەراب) نەڤەدخوار. بڤی رەنگێ حاجی لەگلەگە کوشت.
ئەم خەلکێ کوردستانێ پێکھاتینە ژ گەلەک ئاین ونەتەوان وئەم ھەمی لاینگرێن پارتێن سیاسینە, بلا ئەم پەندێ ژ ئەڤێ چیڕۆکێ وەرگرین
ئەگەر ئەم کوردستانی بین,ئەم ھەمی پێکڤە  ب ھەمی نەتەوە ئاینان ڤە دێ دەستێن خۆە کەینە دناڤ ئێکدا, چونکە نوکە باشترین دەلیڤەیە بۆ ریفراندوم وڤەگەراندنا دەڤەرێن ناکوکی ل سەر یێن دەرڤەی سنورێ ھەرێما کوردستانێ کو دبێژنێ مادێ ١٤٠، ودێ جە بجھکەین, چونکە حکومەتا عێراقێ خۆە ڤەدزیت ژ جھبجھکرنا ئەڤی مادەیی.
نوکە وپشتی ھاتنا داعشێ وداگیرکرنا گەلەک باژێر وگوند ودەڤەرانودوبارە رزگار کرنا وان دەڤەران ژلایێ ھێزا پێشمەرگەی ڤە وب قارەمانی وھێزا پیلایا پێشمەرگەی و بەخشینا خوینەکا زور وشەھیدبونا سەدان پێشمەرگان ل سەر ڤەگەراندنا وان دەڤەران بۆ ھەمبێزا وولاتی ھەر بخۆ ئەو مادە ھاتە جھبجھکرن، ئەم ھەمی دزانین ئەو دەڤەرێن کوردستانی ب زور ژ کوردستانێ ھاتبونە دابراندن ونوکە ل سەر دەستێ پێشمەرگەی ھاتنەرزگارکرن.
ئەڤە باشترین دەرفەتە بۆ ئەنجامدانا ریفراندومێ, وپشتی برێڤەچوونا پروسێسا ریفراندومێ بزاڤ بھێتە دان بۆ دورستکرنا دەولەتەکا کوردی کو مافێ ھەمی پێکھاتە وئاینان تێدا یێ پاراستی بیت.
ئەگەر ئەم ھەمی خەلکێ ئەڤی وولاتینە ونیشتیمان پەروەرین ومە خەبات کربیت و گەلەک شەھید مە دابن ژ پێخەمەت گەھشتن بۆ سەربەخویا کوردستانێ, بلا خوینا شەھیدان ژبیر نەکەین و ب ھەروە نەچیت, نوکە ژبەر چەند ئەگەران دەمەکێ باش وگونجایە بۆ راگەھاندنا سەربەخویێ,چونکە تێکچونا بارودوخێ عێراقێ و ھاتنا داعشێ و داگیر کرنا چەندین دەڤەرێن عێراقێ و خراب بونا بارودوخێ سیاسی دناڤبەرا سنە و شیعەیاندا وشەر ونەخوشیێن ل عێراقێ, دیسان وولاتێ سوریایێ ژی ب خۆە ڤە مژویلە وکەفتینە دناڤ شەرەکێ خویناویدا و نێزیکە دێ بیتە وێرانکاری, ول سەر ھندێرا بەحسێ دابەشکرنا سوریایێ ل سەر مێزێن وولاتێن جیھانێ یێن زل ھێز دھێتە کرن, دیسان دەولەتا تورکیا ژ بەر ئەگەرێ کودەتایێ یا بخوڤە مژویلە ونەدویرە کاودان ل وێرێ ژی خراب تر لێ بھێن , ھەر وەسان ولاتێ ئیرانێ ژی ژئەگەرێ بەرنامێ خۆە یێ ئەتومی وبەرەبەرە بارودوخێ وێ ییِ نافخوی یێ تێک دچیت, وژبیر نەکەین رێکەفتن ناما سایکس پیکو ژی ب دوماھی ھاتیە, واتە ھەر ئێک ب خۆە ڤە یێ مژویلە, ژلایەکێ دویڤە ئەو قارەمانی و زیرەکی وناڤ ودەنگیا پێشمەرگەی وگەلێ کورد پەیداکری ل ھەمی جیھانێ دەنگ دایە کو شیایینە بەرسینگێ درندەترین ھێزا تیرورستی کو داعشە ب گرن وب راوستیت,ئەڤە ھەمی ھاریکار وزەمینە خوشکرنە بۆ راگەھاندنا دەولەتا کوردی.
ئەگەر ئەم کوردین و ئەم ھەمی دلسوز و خەمخورێن ئەڤی ولاتینە, دڤێت جاشاتیێ و دویڤەلانکیێ وپیلانگێریێ بھێلین و ل شوینا پەیمان بەستنا دگەل نەیارێن خۆە , دەستێ براینێ و ئێک رێزیێ بۆ ئێکو دوو درێژ بکەین وچارەسەریا ھەمی گیروگرفتێن خۆە یێن ھەلاویستی بکەین وکەرب وکینێ بدەینە لایەکی و وەکو برا پێکڤە کار بکەین و دوستایەتیێ دگەل دۆژمنان نەبەستین وپێشوازیێ ل نانبرێن خۆە نەکەین.
بەسە بلا زێدەتر ئەڤی وولاتی پیس نەکەین, چونکە گەلێ کورد ژمێژەیە بزاڤ و خەباتێ دکەت و ئەگەر ب دیروکا گەلێ کوردا بچینە خوارێ دێ بینین دوو بەرەکی و خیانەت دناڤبەرا واندا ھەبویە و ھندەک کەس بوینە ئەگەرێ ژ ناڤچون و نەگەھشتنا ئارمانجان, دڤێت  ئەم ھەمی پێکڤە کار بکەین بو رزگارکرن و بجە گەھاندنا ئارمانجێن نەتەوەیی یێن ئەڤە چەندین سالە ئەم خەونان پێڤە دبینین, دامەرزاندنا کیانەکێ سیاسی و دەولەتەکا کوردستانی ھیڤیا مە ھەمیانە, دڤێت ئەم ھەمی ل دویڤ بانگەوازا سەرۆکێ ھەرێما کوردستانێ بەرێز ( مەسعود بارزانی ) بچین وبریارا چارەنوساز بدەین و بزاڤا دورستکرنا دەولەتا کوردستانی بدەین, ئەگەر نە دی دەلیڤێ ژ دەست دەین, چونکە دوژمنێن مە  دبوسێدانە بۆ مە ژبۆ نەھێلان وژناڤبرنا ھەر دەلیڤەکێ , پێویستە گەلێ کورد د ھوشیار بیت پێکڤە ستویێ خیانتکار و خوفروشان بگرن نەھێلن کوردستانێ پیس بکەن داکو دوژمن ستویێ مە نەگرێت مە وەکو وی لەگلەگێ دچێروکێدا ھاتی مە بھژینن و بکوژن.

 





ئەم هەواڵە 859جار خوێندراوەتەوە
 
 
ڤیدیۆ گەلەری
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
بوێری دەکەیت ئاوا خۆت ھەڵدەیت
چین...تووشی رووداوێكی ترسناك بوو، به‌ڵام رزگاری بوو
ئەرجەنتین..بۆ تۆماركردنی ریكۆردێك، 2000 كەس لەسەر ئاو پاڵكەوتوون
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad