English | عربی | Kurdî دواهەواڵ
ڕاستەوخۆ
 
گه‌نج له‌ پارتیدا
2016-08-16 [02:08 AM]

نووسینی: سازان وەھاب


مێژووی دورست بوونی پارتی دیموکراتی کوردستان پێنایە ناو ٧٠ ساڵی پڕ لە خەبات و تێکۆشان، واتا نیو سەدە زیاتری تێپەڕاند، لە رووبەڕبوونەوەی دوژمنانی کورد، لە نێو ململانێی حزبی و رێگابڕینی سەخت چ لە سیاسەت چ لە خەباتی چەکداری. ئەوەی ئێستا بۆ پارتی گرنگە، باس کردنە لە نوێبوونەوە، کە یەکێکە لە دروشمەکانی کۆنگرەی ١٣ و تاڕادەیەک سەرکەوتوانە ئەم دروشمەی بەرجەستە کردوە، بەڵام ناکرێ دەستبەرداری رێگاکانی تری نوێبوونەوە بین لە حزبێکدا، زۆرترین ئەندامی گەنجن.
پارتی ئەو حزبەیە، لە پرەنسپی کاری حزبیدا، توانیویەتی پانتایەکی فراوان بۆ سەرجەم چین وتوێژەکانی کۆمەڵگا بڕەخسێنێ تا خۆیان بە خاوەنی خەبات و ھەنگاوی حزب بزانن، بەتایبەتی رۆڵبەخشین بە گەنج.
سروشتی حزب لە ناوچەکەدا وایە، کەمترین دەرفەت یاخود ژینگە دەڕەخسێندرێ بۆ گەنج لە ناوەندی بڕیاردانی ئەو حزبانە، بەڵام ئەوەی بووەتە شانازی پارتی لەم تاقی کردنەوەیەدا سەرکەوتوانە کۆمەڵێک یاخود بڵێن نوخبەیەکی گەنجی سیاسی و بەتوانا و لێھاتوو بھێنێتە ئاستی بەرپرسیاریەتی و بڕیاردان. لەگەڵ ئەوەشدا ئەو گەنجانەی چوونە ئاستی سەرکردایەتی پارتی. قابیلیەتی ئەوەیان نیشاندا کە گەنج و دەرفەتدان بۆ بەگەڕخستنی تواناکانی دەتوانێ خوێنێکی نوێتر ببەخشێ بە حزب و بەرەو گەشترین ئایندەی ببات.
ئەوە بۆ ئێمە وەک کادیری پارتی گرنگە، رەچاوی تەواوی قۆناغی کامڵبوونی سیاسی بکەین، بەڕادەیەک ھێنانە پێشەوەی گەنج لەسەر بنەما دروستکە بێ و پەنانەبریێتە بەر پڕکردنەوەی بۆشایی بە گەنج، لەپێناو نیشاندانی کەسایەتی گەنج لە حزبدا، بەڵکو نیشاندانی توانا و سەلیقە و ھۆشیاری و بەرپرسیاریەتی وەک خزمەت کردن ئامانج بێ و رۆڵ بدرێ بەوانەی دەتوانن سیاسەت لەگەڵ ھەموو تەمەنەکاندا بکەن بەبێ ئەوەی کاردانەوەی خراپی بەسەر پرەنسپە نەگۆڕەکانی پارتیدا دروست بکات.
دەبێ بیرێکی قوڵتر لەوە بکەینەوە رێبازێکی پیرۆزی وەک رێبازی پارتی و بارزانی، پێویستی بە بەردەوامی ھەیە و ئەو ئامانەتە مەزنەی بارزانیی نەمر بۆ خەڵکی کوردستان و سەرۆک مەسعود بارزانی بەجێھێشتووە، بەرگری لێ بکەین و نموونەی زیاتر و خزمەتی زیاتر بە پرسە نەتەوەیی ونیشتمانی و کۆمەڵایەتی و حوکمداری بکەین. کە دڵنیام سەرۆک بارزانی لەم قۆناغەیشدا پشتیوان دەبێ بۆ گەنجانی کورد تا لە کایەی سیاسیدا ھاوشانی کایەکانی تر رۆڵی دڵسۆزانە بگێڕێ.

 





ئەم هەواڵە 6394جار خوێندراوەتەوە
 
 
ڤیدیۆ گەلەری
ستونی كاره‌با زۆر به‌ توندی به‌سه‌ر ئۆتۆمبێلێك ده‌كه‌وێت و شوفێره‌كه‌ی رزگاری ده‌بێت
له‌ ئاسمانه‌وه‌ قه‌باره‌ی ئه‌و زیانه‌ی به‌ر موسڵی كۆن كه‌وتووه‌، ببینه‌
له‌ ئاسمانه‌وه‌ وێنه‌ی وێرانه‌ی مزگه‌وتی نوری و مناره‌ی حه‌دبا ببینه‌
مۆبایل سەری لە قوڕێ نا
موشه‌كی رووسی له‌ ده‌ریای ناوه‌ڕاسته‌وه‌ ئاراسته‌ی داعش له‌ ته‌دمور ده‌كرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad