English | عربی | Kurdî دواهەواڵ
ڕاستەوخۆ
 
گێژەڵووكە تۆزوخۆڵییەكانی مەریخ ئاشكرا كران
2016-09-10 [05:19 AM]

ZNA - هه‌ولێر


لە تازەترین دەرەنجامدا، پسپۆڕانی كەشتی ئاسمانیی ناوداری "مارس ریكۆنسیانس ئۆربیتەر MRO " ی سەر بە ئاژانسی (ناسا) ئاشكرایان كرد كەوا لەمیانەی شه‌ش ساڵی بەردەوامی لێكۆڵینەوەو روانگەكردن و شیكردنەوەی داتایەكاندا، توانیان لە كۆتاییدا، سێ جۆری سەرەكیی لە گێژەڵووكەی هەرێمیی – ناوچەیی لەسەر رووی هەسارەی (مەریخ) دا دەستنیشان بكەن كە بەشێوەیەكی وەرزیانەی رێك و پێك و زنجیرەیی و لەماوەیەكی دیاریكراوی نێو وەرزی بەهاری مەریخیدا روودەدەن، بەڵام ئەم سێ جۆرە گێژەڵووكانە تەنها نیوەگۆی باشووری ئەو هەسارەیە دەگرێتەوە.

كاتێك دەڕوانینە پەیكەری پێكهاتەیی دابەشبوونی پلەكانی گەرمیی لەجیاتی بارستە تۆزوخۆڵییە دیارەكاندا، ئەوا لە كۆتاییدا دەگەینە روونترین و ئاشكراترین دەرەنجام دەربارەی چۆنییەتی دروستبوونی ئەم گێژەڵووكە تۆزوخۆڵییە گەورانەی رووی ئەم هەسارەیە، هەروەها لەمیانەی حاڵیبوونمان لە سروشتی پێكهاتەیی ئەو جۆرە گێژەڵووكانە، هەنگاوی زیاترو خێراتریش دەبڕین بۆ حاڵیبوونمان لە سروشتی پێكهاتەی بەرگە هەوای هەسارەی مەریخ و ئەو توخمانەی وادەكەن ئەم جۆرە كەش و هەوایانە لەسەر رووی ئەم هەسارەیەدا رووبدەن”، لە زاری (دێیڤید كاس – DAVID KASS) ی پسپۆڕ لە دەزگای (JPL) و پسپۆڕی تایبەت بە كردارە زانستییەكانی لێكۆڵینەوەیی لەسەر كەش و ئاوو هەوای هەسارەی مەریخ.

لێكۆڵینەوەكان دەیانخست كەوا پەیوەندییەكی بەتین هەیە لەنێوان بەرزبوونەوەی تەنۆچكەكانی تۆزوخۆڵ لەگەڵ دابەشبوونی پلەكانی گەرما لەنێو بەرگە هەوای ئەو هەسارەیەدا، بۆ نموونە، تەنۆچكەكانی تۆزوخۆڵی نێو بەرگە هەوای مەریخ دەستدەكەن بە مژتنی تیشكی خۆر، بەم شێوەیە، خۆر دەستدەكات بە گەرمكردنی هەوا تۆزوخۆڵاوییەكە، بەشێوەیەكی زۆر خێراترو زیاتر لەوەی كە ئاسمان پاك بێت، بەڵكو لە هەندێ حاڵەت بەشێوەیەكی دڕاماتیكی پلەی گەرمیی ئەو ناوچەیەی بەرگە هەوا بەرزدەبێتەوە تا دەگاتە سنووری 35 پلەی سیلیزیی یان (63 ی فێهرنهایتی) و دەكەوێتە نێوان هەردوو ناوچەی هەوایی تۆزاوی و پاك و بێگەردەكەدا.

ئەم گەرمداهاتنە كاردەكاتە سەر تەواوی كەش و هەوای گلۆبالیی مەریخیدا كە زۆرجار دەبێتە هۆی دروستكردنی جووڵەیەكی دابەزیوی تەوژمەكانی هەوا بۆ دەرەوەی ناوچە هەواییە تۆزوخۆڵاوییە گەرمداهاتووەكەدا، هەر بۆیە، تێبینییەكی تەواو هەیە لەسەر ئاسەوارو كارتێكردنی راستەوخۆو ناڕاستەوخۆی ئەو گێژەڵووكە تۆزوخۆڵییە گەورانە لەسەر تەواوی بەرگە هەوای هەسارەی سووردا.

گرنگیپێدانی پسپۆڕانی كەشناسی و ئاووهەوایی بەپڕۆسێس و شێوەی دروستبوون و دابەشبوون و جووڵەی ئەو گێژەڵووكە تۆزوخۆڵیانەی رووی هەسارەی مەریخ لەوەیە، كەوا ئەگەر لە دهاتوودا نێردراوەی مرۆیی بەرەو رووی ئەو هەسارەیەدا رەوانە بكرێ، ئەوا پێویستە پێشوەختە زانیارییەكی تەواو كۆكرابێتەوە دەربارەی ئەو كەش و هەواو باردودۆخە سەختانەی رووی ئەو هەسارەیە كە ئەگەر لە رواڵەت و لەچەند خاڵێكدا بە هەمان كەش و هەوای تۆزوخۆڵاویی زەوی خۆمان دەچێت، بەڵام لە راستیدا ئەوەی لەسەر مەریخ روودەدن زۆر جیاوازترو سەخت و مەترسیدارترە لەوەی ئێمە لەسەر رووی زەوی خۆماندا دەیانبینین، كەوابوو، لێكۆڵینەوەو دەستكەوتنی دەرەنجامی روون لەسەر ریتمی كەش و ئاوو هەواو دیاردەكانی هەسارەی مەریخ، زامنی رەوانەكردن و نیشتنەوەو بەسەربردنی بێ گرفتی كەشتیوانان و نێردراوە مرۆییەكانمانە لە داهاتوودا.

 

 

سه‌رچاوه‌: شیفرەی گێژەڵووكە تۆزوخۆڵییەكانی (مەریخ) ئاشكرا كران

 





ئەم هەواڵە 6616جار خوێندراوەتەوە
 
 
ڤیدیۆ گەلەری
سه‌یر بكه‌ دۆناڵد ترامپ له‌ زۆرانبازیدا چ لێدانێك ده‌خوات
هندستان...سه‌رتاشێك ئاگر بۆ سه‌رتاشین به‌كار ده‌هێنێت
گورگه‌كان وایان زانی نێچیرێكی ئاسانه‌، به‌ڵام له‌به‌رده‌م گامێشه‌كان هه‌ڵاتن
شه‌مه‌نده‌فه‌رێك له‌ دوو ئوتۆمبێل ده‌دات
ئه‌ندونیسیا... له‌دوا ساتدا هه‌ردوو منداڵه‌كه‌ی رزگار ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad